Halda íslenskum almannatryggingum vegna vinnu erlendis - A1

Ef þú vinnur í tveimur eða fleiri EES-löndum á sama tíma, ef það er til dæmis hluti af þínu starfi að vera í viðskiptaferðum eða vinna við millilandaflutninga, þá getur þú átt rétt á að velja hvort þú greiðir tryggingagjald á Íslandi eða í því landi sem vinnan er skráð.

Launþegi

Ef þú býrð á Íslandi og vinnur í fleiri en einu EES-landi og vinnuframlag er að minnsta kosti 25% á Íslandi, getur þú sótt um að halda þínum almannatryggingum á Íslandi. Það er óháð því hvort þú vinnur hjá íslenskum eða erlendum vinnuveitanda og hversu marga vinnuveitendur þú hefur.

Sjálfstætt starfandi

Ef þú býrð á Íslandi og rekur sjálfstætt starfandi fyrirtæki í tveimur eða fleiri EES-löndum, þar með talið að minnsta kosti 25% starfsemi á Íslandi, getur þú sótt um að halda þínum almannatryggingum á Íslandi. Umfang starfseminnar er metið út frá vinnutíma, veltu, fjölda veittrar þjónustu og tekjum.

Þú þarft ekki að vinna í sömu atvinnugreininni í hinum ýmsu löndum.

Ef þú býrð í útlöndum

Ef þú býrð ekki á Íslandi og vinnur í fleiri en einu EES-landi, og vinnuframlag er minna en 25% í landinu sem þú býrð í getur þú sótt um að halda þínum almannatryggingum á Íslandi ef þú:

• starfar einungis hjá íslenskum vinnuveitanda,

• starfar hjá íslenskum vinnuveitanda og hefur aukavinnu hjá öðrum vinnuveitanda í búsetulandi.