Fréttabréf nóvember 2024

Þekking og notkun Ísland.is eykst milli ára

Næstum allir landsmenn þekkja til Ísland.is og hafa einhvern tíma nýtt þjónustu sem er í boði þar eða 97%. Þetta kemur fram í nýlegri netkönnun Gallup á notkun og viðhorfi til kjarnaþjónusta Stafræns Íslands. Almennt mælist þekking, notkun og ánægja vel í öllum hópum, hvort sem horft er til aldurs, búsetu, menntunar eða tekna. Svörin gefa til kynna að stafræn vegferð hins opinbera sé á réttri leið og í takti við vilja og væntingar landsmanna en markvissa aukningu er að merkja í þekkingu og notkun á Ísland.is og þeim þjónustum sem þar er að finna.

Auk þess sem flestir landsmenn þekkja og nota Ísland.is eru Mínar síður mikið nýttar, en aðeins um 10 % hafa aldrei nýtt sér þjónustuna sem þar er að finna. Helmingur þess hóps þekkir þjónustuna þó að þau nýti hana ekki. Athygli vekur að 80% hafa notað Stafræna pósthólfið en fyrir tveimur árum var hlutfallið aðeins 44%.

Lesa nánar um netkönnun Ísland.is

Boðun fyrir dóm í Stafræna pósthólfinu

Fyrir skemmstu var fyrsta ra­f­ræna ákær­an gef­in út vegna um­ferðarlaga­brota og í fram­haldi var fyrsta ra­f­ræna fyr­ir­kallið birt í Stafræna pósthólfinu.

Lesa frétt um stafræna boðun

Allir tengdir um áramótin

88 opinberir aðilar hafa innleitt Stafræna pósthólfið og miðla þannig göngum til einstaklinga og fyrirtækja. Lögum samkvæmt eiga allir opinberir aðilar að vera búnir að tengjast um áramótin svo við eigum von á að sjá þessa tölu rísa ansi hratt nú í lok árs.

Lesa nánar um Stafræna pósthólfið

Útboð um þróun X-Road

Nordic Institute for Interoperability Solutions auglýsir útboð um þróun á gagnasamskipta lausninni X-Road en útboðsfrestur er til og með 4.desember 2024.

Lesa nánar um útboðið

Velkominn Héraðssaksóknari

Við bjóðum Héraðssaksóknara velkominn en stofnunin flutti nýverið vef sinn inn á Ísland.is.

Vefur Héraðssaksóknara

Velkomin Barna- og fjölskyldustofa

Fjölskyldan stækkar með flutningi Barna- og fjölskyldustofu á Ísland.is.

Vefur Barna- og fjölskyldustofu

Velkomin Faggilding

Faggilding hefur flutt vef sinn á Ísland.is og er fertugasti og fjórði meðlimur Ísland.is samfélagsins.

Vefur Faggildingar á Ísland.is

Tengjum ríkið komið á netið

Öll erindi frá Tengjum ríkið sem fór fram í lok september eru nú aðgengileg á vef Stafræns Íslands.

Horfa á Tengjum ríkið

59 umsóknir

Umsóknarfrestur um starf ritstjóra Ísland.is rann út þann 14.nóvember síðastliðinn. Alls sóttu 59 um starfið en úrvinnsla umsókna er í fullum gangi. Fyrr en síðar mun því verða viðbót í annars metnaðarfullt teymi Stafræns Íslands. Ritstjóri mun leiða stefnumótun á framsetningu efnis á Ísland.is, þróa efnis- og aðgengisstefnu Ísland.is og styðja þannig við umbreytingar í stafrænni opinberri þjónustu.

Meðal verkefna Stafræns Íslands:

Mínar síður Ísland.is

• Lyfjaávísanir og lyfjasaga

• Staða á biðlista

Umsóknir á Ísland.is

• Staðfesting á skólavist (grunnskóli)

• Skipta um grunnskóla

• Afturköllun ellilífeyris

• Skráning leigusamnings

• Tekuáætlun TR

• Tilkynning um vinnuslys

• Tilkynning um netglæp

• Umsókn um framhaldskólanám

Vefir í vinnslu:

• Almannavarnir

• Dómstólasýslan

• Framkvæmdasýslan

• Heilsugæsla höfuðborgarsvæðisins

• Landspítali

• Lögreglan

• Persónuvernd

• Rannís

• Skipulagsstofnun

• Vinnumálastofnun

Umboðskerfi Stafræns Íslands - í vinnslu:

• Umboðstegund fyrir forsjáraðlia barna 16 ára og yngri

• Umboð fyrir framkvæmdastjóra fyrirtækja