Tengjum ríkið, árleg ráðstefna Stafræns Íslands, fer fram fimmtudaginn 17. september á Hilton Nordica. Dagskráin verður einnig aðgengileg í streymi.
Yfirskrift ráðstefnunnar í ár er „Framtíð Ísland.is“.
Skipulagning er í fullum gangi og dagskráin að fyllast af áhugaverðum og spennandi erindum sem hverfast meðal annars um spurningar á borð við:
Hvernig eru opinberir vefir að þróast? Verða þeir til eftir 5 ár?
Hvernig gætu stofnanir þurft að þróast?
Hvaða áhrif hefur notkun gervigreindar á traust til opinberrar þjónustu?
Hvaða hæfni þarf starfsfólk að hafa?
Hvað getum við bráðum hætt að gera?
Skrá mig á Tengjum ríkið 2026
Verð í sal: 14.900 kr. Streymi: 4.900 kr.
Athugið að einungis er tekið á móti greiðslum með korti. Ekki er hægt að fá sendan reikning.
Dagskrá ráðstefnunnar
Fundarstjóri ráðstefnunnar er Gísli Ragnar Guðmundsson gervigreindarsérfræðingur hjá Almannarómi. Hann leiðir þátttöku Íslands í samnorrænu gervigreindarmiðstöðinni New Nordics AI. Gísli tók áður þátt í mótun fyrstu aðgerðaáætlunar Íslands um gervigreind og hefur víðtæka reynslu af ráðgjöf, fræðslu og nýsköpun innan opinberrar stjórnsýslu. Hann hefur sérstakan áhuga á því hvernig nýta megi gervigreind á ábyrgan hátt til að bæta opinbera þjónustu, efla starfsfólk og byggja upp traust á tímum örra tæknibreytinga.
Daði Már Kristófersson fjármála- og efnahagsráðherra.
Birna Íris Jónsdóttir tók við sem framkvæmdastjóri Stafræns Íslands í nóvember 2023. Hún er tölvunarfræðingur að mennt með MBA-gráðu og diplómanám í jákvæðri sálfræði. Áður en hún gekk til liðs við Stafrænt Ísland gegndi hún lykilstöðum í UT deildum hjá Landsbankanum, Sjóvá, Högum og Össur. Í frítíma sínum hleypur hún og gengur á eitt og eitt fjall.
Christine Bellamy er leiðtogi í stafrænni opinberri þjónustu sem kom til starfa hjá breska ríkinu árið 2022 eftir áratug í stafrænni umbreytingu hjá BBC; Bellamy var forstöðumaður GOV.UK og síðar forstjóri Government Digital Service (GDS). Í dag er hún starfandi aðalframkvæmdastjóri hjá GDS og leiðir stefnumótandi vöruþróun opinberrar stafrænnar þjónustu breska ríkisins.
Christian Bason er danskur stjórnmálafræðingur og hönnunarhugsuður (Ph.D.) sem er þekktur fyrir frumkvöðlastarf í nýsköpun og hönnun innan opinbera geirans — fyrst sem stjórnandi MindLab og síðar forstjóri Danish Design Center. Í dag er Bason meðstofnandi Transition Collective auk þess að starfa sem höfundur, fyrirlesari og ráðgjafi um sjálfbærar umbreytingar, leiðtogahæfni og opinbera nýsköpun.
Í erindi sínu „Frá orðum til athafna: Breytingar í opinberri þjónustu“ mun Bason fjalla um hvernig ná má fram varanlegum og árangursríkum breytingum í opinberri þjónustu. Á grundvelli rannsókna sinna og skrifa, og þriggja áratuga reynslu af samstarfi við og innan stjórnsýslunnar í Danmörku og á heimsvísu, deilir hann innsýn og dæmum um hvernig móta má framtíðarsýn og leiða breytingingar sem skipta raunverulegu máli fyrir borgara og samfélag.
Stofnandi og framkvæmdastjóri GRID. Hjálmar starfaði áður sem framkvæmdastjóri vörustjórnunar hjá Qlik, eftir kaup Qlik á fyrirtækinu DataMarket sem hann stofnaði 2008. Hjálmar er gagnanörd og frumkvöðull af lífi og sál sem hefur um árabil birt pistla um fjölbreytt málefni tengd tækni- og atvinnuþróun ýmsum vettvangi, meðal annars á vef sínum hjalli.com.
Eiríkur er einn stofnanda Aranja, hönnunar- og hugbúnaðarstofu sem sérhæfir sig í framendaforritun fyrir vefsíður og öpp. Eiríkur hefur einnig verið virkur í íslensku hugbúnaðarsamfélagi sem meðskipuleggjandi JSConf Iceland, og hefur tekið þátt fjölbreyttum stafrænum umbreytingarverkefnum hjá hinu opinbera síðastliðin ár.
Í erindi sínu „Tengjum ríkið … við ChatGPT?“ mun Eiríkur gægjast inn í framtíð þar sem spjallmenni tengjast beint við gögn og þjónustu hins opinbera. Hann fjallar um hvernig Model Context Protocol (MCP) getur brúað bilið milli spjallmenna og stafrænna kerfa og sýnir tilraun þar sem ChatGPT var tengt við persónuleg gögn á Ísland.is. Með því varpar hann ljósi á möguleika sjálfvirkari og persónulegri opinberrar þjónustu – og spyr um leið lykilspurningarinnar: Hver á að stjórna aðganginum að gögnunum þínum?
Sigurður Þórarinsson hefur víðtæka starfsreynslu á vettvangi tæknilausna á Íslandi og í Bandaríkjunum. Hann hefur meðal annars unnið á sviði hugbúnaðarþróunar og nýsköpunar, við rekstur og útvistun upplýsingatæknikerfa og við öryggis- og gæðamál á þróunarsviði og upplýsingatæknideild Landspítala og sem framkvæmdastjóri þróunarsviðs hjá Tempo.
Áslaug Arna Sigurbjörnsdóttir er lögfræðingur og fyrrverandi þingmaður Sjálfstæðisflokksins sem gegndi embætti dómsmálaráðherra 2019–2021 og háskóla-, iðnaðar- og nýsköpunarráðherra 2021–2024, en í þeim hlutverkum leiddi hún meðal annars stefnumótun í stafrænni þróun og nýsköpun hjá hinu opinbera. Hún lét af þingmennsku í júní og lauk nýlega meistaranámi í opinberri stjórnsýslu (MPA) við Columbia-háskóla í New York, með áherslu á alþjóðlega forystu og stjórnsýslu.
Veitt verða viðurkenningar til opinberra aðila vegna stafrænna skrefa í opinberri þjónustu. Stafrænu skrefin eru alls níu en þau eru hvatningarverðlaun sem ýta eiga undir notkun fjárfestinga í stafrænum innviðum.
Í lok ráðstefnunnar leggjum við á ráðin og skálum fyrir framtíðinni og allri opinberri þjónustu á einum stað.
Vinnustofur 2026
Í tengslum við ráðstefnuna skipuleggur Stafrænt Ísland þrjár vinnustofur um afmörkuð viðfangsefni. Þær fara fram að morgni ráðstefnudagsins og eru aðeins ætlaðar boðsgestum.
Niðurstöður vinnustofanna eru nýttar til áframhaldandi þróunar og samtals við atvinnulíf og stjórnkerfi.
Vinnustofa fyrir stjórnendur og leiðtoga um hæfniuppbyggingu, framtíðarsýn og tækifæri.
Vinnustofa fyrir starfsfólk og stjórnendur stofnana, og annarra opinberra aðila, um þróun opinberrar þjónustu til framtíðar. Rætt verður um hlutverk vefsins, breytingastjórnun og möguleika gervigreindar í greiningum, efnisvinnslu og samskiptum.
Vinnustofa fyrir tækni- og gagnastjóra um þróun samnýttra gagna, núverandi stöðu og forgangsröðun næstu skrefa.
