Stafrænt Ísland: Loftbrú
Birtist barnið þitt ekki í Loftbrú?
Algengasta ástæða þess að barn birtist ekki hjá foreldri í Loftbrú er að forsjárskráningu í þjóðskrá sé ábótavant. Þú getur skoðað forsjárskráningu samkvæmt eftirfarandi:
Þú byrjar á því að skrá þig inn á Mínar síður hér.
Þar finnur þú barnið og velur „Skoða upplýsingar“
Þar skrunar þú neðst niður í kafla sem heitir „Forsjáraðilar“
Ef þú ert ekki skráð/skráður sem forsjáraðili barns þarf að ganga frá skráningu hjá Þjóðskrá eða hjá viðkomandi sýslumanni.
Ef þú ert skráð/skráður sem forsjáraðili á mínum síðum biðjum við þig að taka skjámynd af skráningunni og senda til island@island.is ásamt kennitölum.
Börn í varanlegu fóstri Ef barnið er í varanlegu fóstri hjá fósturforeldri, er kóði sóttur í gegnum ábendingarkerfi Vegagerðarinnar eða með umsóknareyðublaði. Umgengnisforeldrar og tvöfalt heimili Ef forsjáraðili barns býr utan loftbrúarsvæðis en umgengnisforeldri innan loftbrúarsvæðis þarf að sækja um kóða fyrir barnið á eftirfarandi hátt:
Forsjáraðili leggur inn umsókn um fæðingarvottorð barns hjá Þjóðskrá.
Þegar fæðingarvottorð hefur verið afhent er því skilað inn til Vegagerðarinnar í gegnum ábendingarvef á www.vegagerdin.is ásamt ósk eftir kóða fyrir barnið.
Aðeins þarf að skila inn fæðingarvottorði einu sinni nema tilkynnt sé sérstaklega um annað.
Kóði er sendur á það tölvupóstfang sem gefið er upp í ábendingunni.
Finnurðu ekki það sem þig vantar?
Hvernig getum við aðstoðað?
Stafrænt Ísland