Skilyrði þess að nefndin geti tekið mál til meðferðar:

• Kvörtun berst frá neytanda.

• Kvörtun beinist gegn seljanda.

• Samningur er á milli neytanda og seljanda í málinu um kaup á vöru eða þjónustu.

• Neytandi hefur leitað til seljanda og reynt að ná sáttum í ágreiningi án árangurs.

• Ágreiningur heyrir undir valdsvið nefndarinnar samkvæmt lögum nr. 81/2019 um úrskurðaraðila á sviði neytendamála.

• Neytandi greiðir málskotsgjald að fjárhæð 5.000 krónur

Með neytanda er átt við einstakling sem kaupir vöru eða þjónustu gegn endurgjaldi, enda séu kaupin ekki gerð í atvinnuskyni.

Með seljanda er átt við einstakling, félag, opinberan aðila og aðra sem koma fram í atvinnuskyni og gera samninga við neytendur.

Frávísunarástæður

Nefndin getur vísað málum frá samkvæmt þeim lögum og reglum sem hún starfar eftir.

Nefndin skal vísa frá málum þegar:

• Þegar ofangreind skilyrði eru ekki uppfyllt.

• Ágreiningur varðar málaflokk sem er sérstaklega undanskilinn lögsögu nefndarinnar, það er ágreiningur sem varðar:

  • Heilbrigðisþjónustu

  • Opinbera þjónustu vegna framhaldsnáms eða æðri menntunar

  • Þjónustu í almannaþágu sem er ekki af efnahagslegum toga

  • Fasteignakaup

• Ágreiningur er til meðferðar eða hefur hlotið meðferð hjá dómstólum.

• Ágreiningur heyrir undir eða er til meðferðar hjá öðrum viðurkenndum eða lögbundnum úrskurðaraðila.

  • Lista um þær nefndir sem ráðherra hefur viðurkennt í samræmi við lög um úrskurðaraðila á sviði neytendamála má finna hér.

  • Hægt að leita að skráðum úrskurðaraðila sem starfar innan Evrópska efnahagssvæðisins hér.

Nefndinni er heimilt að vísa kvörtun frá þegar:

• Neytandi hefur ekki reynt að ná sáttum við seljanda áður en kvörtun er send nefndinni

• Virði vöru eða þjónustu sem deilt er um er hærra en 5.000.000 krónur.

• Kvörtun er talin lítilvæg eða tilefnislaus

• Kvörtun er metin ótæk til meðferðar

• Meðhöndlun máls mun á einhvern hátt skaða alvarlega skilvirka starfsemi nefndarinnar