Sólmyrkvinn mun sjást um allt land en almyrkvinn er þó aðeins sjáanlegur á vestanverðu landinu.
Hvenær
Dagsetning: Miðvikudaginn 12. ágúst 2026.
Tími: Frá 17:44 til 17:49:18 (fer eftir staðsetningu).
Hann byrjar sem deildarmyrkvi (sól sést að hluta) og verður að almyrkva sem varir allt frá hálfri til einnar mínútu eftir svæðum. Sólmyrkvinn allur getur varað í tvær klukkustundir.
Almykrvinn hefst á Vestfjörðum og fer yfir Vestfirði, Snæfellsnes og Reykjanesskaga. Íbúar á þessu svæði njóta þeirra forréttinda að geta því fylgst með almyrkvanum heiman frá sér og þurfa ekki að fara neitt.
Gestir eru hvattir til að nýta skilgreinda safnstaði í þéttbýli á Vestfjörðum til að fylgjast með almyrkvanum.
Safnstaðirnir eru betur undirbúnir til að taka á móti gestum og þar er aðgengi að mikilvægri þjónustu, svo sem salernum, bílastæðum og aðstoð ef þörf krefur.
Skipulagðir áhorfsstaðir og takmarkanir á aðgengi
Skipulagðir áhorfsstaðir
Skilgreindir safnstaðir er í eftirfarandi byggðakjörnum:
Hólmavík: Arngerðareyri, nálægt flugvellinum
Bolungarvík: Bolafjall, aðgengi með rútum
Bolungarvík: tjaldsvæði
Þingeyri: íþróttamiðstöð og sundlaug
Suðureyri: íþróttamiðstöð
Ísafjörður: Safnahúsið
Ísafjörður: íþróttahúsið á Torfnesi
Flateyri: íþróttamiðstöð
Bíldudalur: Baldurshagi
Tálknafjörður: íþróttamiðstöð og tjaldsvæði
Patreksfjörður: félagsheimili og tjaldsvæðissvæði
Súðavík: Raggagarður
Vesturbyggð: Breiðavík
Látrabjarg og aðrir afskekktir staðir
Látrabjarg og aðrir afskekktir staðir á Vestfjörðum bjóða upp á lengri almyrkva en margir aðrir staðir. Af þeim sökum má búast við að margir gestir vilji reyna að fara þangað.
Á slíkum stöðum er þó takmarkað rými og minni þjónusta en í þéttbýli. Aðkomuvegir geta verið þröngir, bílastæði takmörkuð og þjónusta á borð við salerni, eldsneyti og mat takmörkuð. Veður getur breyst hratt og ferðatími getur orðið lengri en búist er við. Viðbragðstími í afskekktum svæðum getur einnig verið lengri.
Gestir sem velja afskekktari staði þurfa að skipuleggja ferðina vel, gera ráð fyrir auknum ferðatíma og vera undirbúnir fyrir takmarkaða þjónustu.
Takmarkanir á aðgengi
Tímabundnar aðgangstakmarkanir og umferðarstýring verða sums staðar á Vestfjörðum til að stýra fjölda, auka öryggi og tryggja að viðbragðsaðilar komist leiðar sinnar ef þörf krefur.
Gestir eru hvattir til að fylgja merkingum og fyrirmælum, virða lokanir og gera ráð fyrir auknum ferðatíma.
Á sunnanverðum Vestfjörðum verða Örlygshafnarvegur (612) og Rauðasandsvegur (614) með tímabundna einstefnu frá kl. 12 þann 12. ágúst 2026. Eftir viðburðinn verður umferð stýrt til baka eftir sömu leiðum.
Vegurinn upp á Bolafjall lokaður almennri umferð. Gestir verða fluttir með rútum upp á svæðið og bílastæði verða við brottfararstað rútna. Þessi tilhögun er nauðsynleg til að stýra umferð og tryggja öryggi á berskjölduðu fjallasvæði.
Önnur svæði geta einnig verið með tímabundnar takmarkanir, takmörkuð bílastæði eða stýrt aðgengi eftir aðstæðum.
Nánari upplýsingar
Markaðsstofa Vestfjarða – Upplýsingavefur um almyrkvann og staðbundna viðburði á Vestfjörðum.
Skipulagðir áhorfsstaðir
Breiðin Akranesi
Strandlengjan í gamla bænum Borgarnesi
Strandlengjan við Ólafsvík
Strandlengjan við Stykkishólm
Takmarkanir á aðgengi
Einstefna verður frá Búðum í átt að Hellissandi á vegi 574, Útnesvegi, frá kl. 12:00 þann 12.ágúst 2026.
Vegurinn út á Öndverðarnes verður lokaður. Rúta mun ferja fólk og bílastæði þaðan sem rútur aka.
Einstefnaverður fyrir Klofning á Fellströnd og Skarðsströnd í Dalabyggð.
Með því að velja hentugan stað nálægt heimili getur hver og einn lagt sitt af mörkum við að takmarka umferð og jafnframt stuðla að almannaöryggi og vernd viðkvæmra svæða. Íbúar í öðrum landshlutum geta séð deildarmyrkva.
