Úrræði vegna lyfjaútgjalda

Endurgreiðsla vegna mikilla útgjalda

Einstaklingar sem hafa orðið fyrir miklum útgjöldum vegna læknishjálpar, lyfja eða þjálfunar og eru tekjulágir geta átt rétt á endurgreiðslu á hluta kostnaðar hjá Tryggingastofnun ríkisins (TR). Frekari upplýsingar á vef TR.

Greiðsludreifing

Einstaklingar sem eiga í erfiðleikum með að greiða lyf vegna lágra tekna eða óvænts lyfjakostnaðar geta dreift greiðslum.

• Kostnaðardreifingin er einstaklingum að kostnaðarlausu.

• Einstaklingur gerir samning um greiðsludreifingu við lyfsala.

• Samningur um greiðsludreifingu gildir um lyf sem eru með greiðsluþátttöku Sjúkratrygginga.

• Hægt er að dreifa á 2-3 greiðslur í byrjun 12 mánaða greiðslutímabils (það er lyfjakostnaði sem greiddur er áður en til þátttöku Sjúkratrygginga kemur sbr. Viðmiðunarfjárhæðirnar: 16.050 krónur fyrir börn, ungmenni, aldraða og öryrkja og 24.075 krónur fyrir aðra sjúkratryggða).

Greiðslur:

• Kostnaði umfram 8.000 krónur er hægt að skipta á tvær greiðslur.

• Kostnaði umfram 15.000 krónur er hægt að skipta á þrjár greiðslur.

• Lágmarksgreiðsla er aldrei lægri en 4.000 krónur.