Sjúkraþjálfari sem hefur störf eða flytur á aðra starfsstöð

Sjúkraþjálfari sem hefur störf

Sjúkraþjálfarar sem eru að hefja störf þurfa að senda tilskilin gögn
til Sjúkratrygginga og fá staðfestingu frá stofnuninni áður en störf eru hafin. Gögnin eru:

• Tilkynning um sjálfstæðan rekstur

• Afrit af löggildingu sjúkraþjálfara

• Staðfesting á sjúklingatryggingu

• Staðfesting á frjálsri ábyrgðartryggingu

• Staðfesting landlæknis á að viðkomandi sjúkraþjálfari uppfylli faglegar lágmarkskröfur til reksturs þeirrar heilbrigðisþjónustu sem tilkynnt var um (skal liggja fyrir áður en starfsemin hefst)

• Gátlisti fyrir sjúkraþjálfa sem opna nýja stofu

• Samningur Sjúkratrygginga og notanda vegna tengingar við upplýsingakerfi Sjúkratrygginga

Sjúkratryggingar meta hverja umsókn fyrir sig, þ.e. hvort talin er þörf á fleiri sjúkraþjálfurum til að starfa samkvæmt rammasamningi á viðkomandi landssvæði.

Flutningur á aðra starfsstöð

Hyggist sjúkraþjálfari flytja á aðra starfsstöð þurfa eftirfarandi upplýsingar að liggja fyrir áður en viðkomandi hefur störf á nýjum stað.

• Tilkynning um sjálfstæðan rekstur

• Staðfesting landlæknis á að viðkomandi sjúkraþjálfari uppfylli faglegar lágmarkskröfur til reksturs þeirrar heilbrigðisþjónustu sem tilkynnt var um (skal liggja fyrir áður en starfsemin hefst á þeirri starfsstofu sem sjúkraþjálfari flytur starfsemi sína á).

• Staðfesting á frjálsri ábyrgðartryggingu

• Staðfesting á sjúklingatryggingu

Sjúkratryggingar meta hverja umsókn fyrir sig, þ.e. hvort talin er þörf á fleiri sjúkraþjálfurum til að starfa samkvæmt rammasamningi á viðkomandi landssvæði.