Sýklalyf og sýklalyfjaónæmi
Vitundarvakning um sýklalyfjaónæmi
Dagurinn 18. nóvember er sérstaklega helgaður vitundarvakningu um sýklalyf hjá Sóttvarnastofnun Evrópu (ECDC). Sama dag hefst vitundarvika um skynsamlega notkun sýklalyfja á vegum Alþjóðaheilbrigðismálastofnunarinnar (WHO). Tilgangur þessarar vitundarvakningar er að minna almenning, stjórnvöld, heilbrigðisstarfsmenn og aðra aðila á þá ógn sem stafar af útbreiðslu sýklalyfjaónæmra baktería í heiminum.
Orsakir sýklalyfjaónæmis eru margvíslegar en óvarleg notkun sýklalyfja hjá bæði mönnum og dýrum er ein sú mikilvægasta. Uppgötvun sýklalyfja er ein merkilegasta uppgötvun læknisfræðinnar og hafa þau komið í veg fyrir milljónir fylgikvilla og dauðsfalla vegna smitsjúkdóma og sýkinga. Því er mikilvægt að koma í veg fyrir útbreiðslu sýklalyfjaónæmis og vernda virkni sýklalyfja.
![](https://images.ctfassets.net/8k0h54kbe6bj/1CFHjcB5Ee0fn3zL2lF5GX/a1463ce203a0a7d35d819e301db7e3dc/Vitundarvakning_syklalyf.jpg?w=50)
![Vitundarvakning um sýklalyf - logo](https://images.ctfassets.net/8k0h54kbe6bj/1CFHjcB5Ee0fn3zL2lF5GX/a1463ce203a0a7d35d819e301db7e3dc/Vitundarvakning_syklalyf.jpg)
Þjónustuaðili
Embætti landlæknis