Í tilefni Vitundarvakningar um sýklalyfjaónæmi mun sóttvarnalæknir halda málþing þriðjudaginn 18. nóvember 2025 kl. 13-15 hjá embætti landlæknis, Katrínartúini 2, en einnig verður boðið upp á þátttöku með fjarfundi (Teams). Að þessu sinni er þema málþingsins tengt hjúkrunarheimilum.

Dagurinn 18. nóvember er sérstaklega helgaður vitundarvakningu um sýklalyf hjá Sóttvarnastofnun Evrópu (ECDC). Sama dag hefst vitundarvika um skynsamlega notkun sýklalyfja á vegum Alþjóðaheilbrigðismálastofnunarinnar (WHO). Tilgangur þessarar vitundarvakningar er að minna almenning, stjórnvöld, heilbrigðisstarfsmenn og aðra aðila á þá ógn sem stafar af útbreiðslu sýklalyfjaónæmra baktería í heiminum.

Dagskrá

• Sýklalyfjanotkun, sýklalyfjaónæmi og aðgerðaráætlun
  Anna Margrét Halldórsdóttir, yfirlæknir, sóttvarnasvið, embætti landlæknis

• Niðurstöður ECDC HALT-4 rannsóknar og lærdómur
  Steinunn Þórðardóttir, framkvæmdstjóri lækninga á Hrafnistu

• Klínískar leiðbeiningar þvagfærasýkingar hjá hrumu eldra fólki

  Ólafur Helgi Samúelsson, framkvæmdastjóri lækninga á Eir

• Kaffihlé (20 mín)

• Sýkingavarnir og ónæmar bakteríur á hjúkrunarheimilum

  Bjarney Sigurðardóttir, sýkingavarnastjóri á Hrafnistu

  Sigríður Sigurðardóttir, sviðsstjóri gæða- og fræðslusviðs á Grund

• Sýklalyfjagæsla á hjúkrunarheimilum

  Jón Steinar Jónsson, yfirlæknir gæðaþróunar, Þróunarmiðstöð íslenskrar heilsugæslu

  Már Egilsson, heimilislæknir og Strama tengiliður, Heilbrigðisstofnun Austurlands

Fundarstjóri verður Guðrún Aspelund sóttvarnalæknir