Starfsmaður í innkaupadeild

Viltu taka þátt í uppbyggingu stofnunarinnar?

Heilbrigðisstofnun Suðurnesja (HSS) veitir íbúum Suðurnesja fyrsta- og annars stigs heilbrigðisþjónustu. Á HSS eru þrjú svið; heilsugæslusvið, sjúkrasvið og hjúkrunarsvið. Framundan er víðtæk uppbygging á stofnuninni, endurskoðun á þjónustuferlum sem og stefnu stofnunarinnar byggðri á Heilbrigðisstefnu til ársins 2030.

Heilbrigðisstofnun Suðurnesja óskar eftir að ráða starfsmann í innkaupadeild. Leitað er eftir metnaðarfullum og þjónustulunduðum einstaklingi sem getur unnið sjálfstætt. Um tímabundna stöðu er um að ræða í eitt ár og æskilegt er að viðkomandi geti hafið störf sem fyrst eða eftir samkomulagi.

Á HSS er lögð áhersla á góða samvinnu, stuttar boðleiðir og góðan starfsanda.

Starfið felst í móttöku og frágang á vörum, skráningu í innkaupakerfi, vörutalningu, afhendingu á vörum til deilda, auk annarra tilfallandi verkefna. Starfinu fylgir töluvert líkamlegt álag.

• Menntun eða reynsla sem nýtist í starfi

• Góð almenn tölvukunnátta er skilyrði

• Æskilegt er að umsækjandi sé talnaglöggur og nákvæmur

• Góð kunnátta í excel

• Reynsla af sambærilegu starfi er kostur

• Góð þjónustulund

• Góð færni í samskiptum

Laun samkvæmt gildandi kjarasamningi sem fjármála- og efnahagsráðherra og Starfsmannafélag Suðurnesja hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi ef við á. Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað. Umsóknir gilda í sex mánuði frá því að umsóknarfrestur rennur út.