Ljósmóðir á Heilbrigðisstofnun Suðurnesja

Heilbrigðisstofnun Suðurnesja (HSS) veitir íbúum Suðurnesja fyrsta- og annars stigs heilbrigðisþjónustu. Á HSS eru þrjú svið; heilsugæslusvið, sjúkrasvið og hjúkrunarsvið. Framundan er víðtæk uppbygging á stofnuninni, endurskoðun á þjónustuferlum sem og stefnu stofnunarinnar byggðri á Heilbrigðisstefnu til ársins 2030.

Heilbrigðisstofnun Suðurnejsa óskar að ráða ljósmóðir í 60-80% starf. Unnið er í vaktavinnu og er æskilegt að viðkomandi geti hafið störf sem fyrst eða eftir samkomulagi. Leitað er eftir áhugasömum einstaklingi með frumkvæði, faglegan metnað og jákvætt hugarfar til að taka þátt í uppbyggingu stofnunarinnar.

Á HSS er lögð áhersla á góða samvinnu, stuttar boðleiðir og góðan starfsanda.

Um er að ræða fjölbreytt og krefjandi starf en Ljósmæðravaktin er D1 fæðingastaður þar sem heilbrigðar konur geta fætt og leggur áherslu á samfellda ljósmæðraþjónustu. Ljósmóðir sinnir meðgönguvernd, sængurlegu, göngudeildarþjónustu, krabbameinsleit og fæðingahjálp. Ljósmæður starfa samkvæmt lögum og reglugerðum um heilbrigðisstarfsmenn. Unnið er á grundvelli þverfaglegs samstarfs sérfræðinga og áhersla lögð á heildarsýn og samþætta þjónustu.

• Íslenskt ljósmæðraleyfi

• Faglegur metnaður og vandvirkni

• Jákvætt og hlýtt viðmót

• Sjálfstæði í vinnubrögðum

• Gott vald á íslensku bæði í ræðu og riti

• Starfsreynsla er æskileg

Laun samkvæmt gildandi kjarasamningi sem fjármála- og efnahagsráðherra og Ljósmæðrafélag Íslands hafa gert.

Umsókn fylgi náms- og starfsferilskrá ásamt afriti af prófskírteinum og starfsleyfi. Ákvörðun um ráðningu byggist á innsendum gögnum og/eða umsögnum. Tekið er mið af jafnréttisstefnu HSS við ráðningar á stofnunina. Öllum umsóknum verður svarað. Umsóknir gilda í sex mánuði.