Sérnám í heilsugæsluhjúkrun

Heilsugæsla höfuðborgarsvæðisins auglýsir 6 sérnámsstöður hjúkrunarfræðinga í heilsugæsluhjúkrun hjá stofnuninni. Hver sérnámsstaða er 80% sem hefst 1. ágúst 2025 og er til tveggja ára. Sérnám í heilsugæsluhjúkrun er í samstarfi við Háskólann á Akureyri og Háskóla Íslands. Námið samanstendur af fræðilegu námi við háskólana og klínískri þjálfun á heilsugæslustöð undir handleiðslu lærimeistara. Námið er skipulagt til tveggja ára og lýkur með meistaragráðu.

• Efla hæfni hjúkrunarfræðinga, meðal annars í þverfaglegu samstarfi á heilsugæslustöð

• Móta viðhorf og sýn til þjónustu heilsugæslunnar í komandi framtíð

• Veita nemendum tækifæri til að rýna í og innleiða gagnreynda starfshætti í daglegu starfi undir handleiðslu lærimeistara á heilsugæslustöð

• Almennt hjúkrunarleyfi, BS gráða (lágmarkseinkunn 7)

• Viðkomandi sé starfandi á heilsugæslustöð

• Starfsreynsla sé a.m.k. eitt ár í heilsugæslu æskileg

• Sjálfstæði í starfi, skipulagshæfni og öguð vinnubrögð

• Framúrskarndi hæfni í mannlegum samskiptum

• Íslenskukunátta skilyrði

• Góð almenn tölvukunnátta

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Umsókn skal fylgja ítarleg náms- og starfsferilskrá þar sem gerð er grein fyrir ástæðu umsóknar og kynningarbréf þar sem fram kemur rökstuðningur fyrir hæfni viðkomandi. Leggja skal fram staðfestar upplýsingar um menntun, fyrri störf og reynslu. Mat á hæfni umsækjenda byggist á innsendum gögnum og viðtölum við umsækjendur. Gögn sem ekki er hægt að senda rafrænt til Heilsugæslu höfuðborgarsvæðisins skulu berast Svövu Þorkelsdóttur, framkvæmdastjóra mannauðs og nýliðunar Heilsugæslu höfuðborgarsvæðisins, Álfabakka 16, 109 Reykjavík.

Öllum umsóknum verður svarað þegar ákvörðun um ráðningu hefur verið tekin. Tekið er mið af jafnréttis- og mannréttindastefnu Heilsugæslu höfuðborgarsvæðisins við ráðningu.