Yfirlæknir myndgreiningalækninga við Sjúkrahúsið á Akureyri

Sjúkrahúsið á Akureyri (SAk) leitar að öflugum og framsýnum yfirlækni myndgreiningalækninga. Um er að ræða 80-100% stöðu. Einstakt tækifæri fyrir reyndan sérfræðilækni til þess að hafa áhrif, leiða faglegt starf og stuðla að umbótum í heilbrigðisþjónustu á landsbyggðinni.

Leitað er að einstaklingi með leiðtogahæfni sem getur veitt faglega forystu, samhæft ólíka þætti starfseminnar og stuðlað að stöðugum umbótum í verklagi. Auk þess að byggja upp og þróa myndgreiningalækningar gegnir yfirlæknir mikilvægu hlutverki í kennslu og vísindastarfi.

Myndgreiningalækningar veita fjölþætta þjónustu og tekur þjónustusvæðið til norður- og austurlands (sjá um úrlestur fyrir 8 minni myndgreiningaþjónustur utan SAk). Deildin er mjög vel tækjum búin, auk almennra röntgentækja og nýs skyggniröntgentækis eru á deildinni tvö ný tölvusneiðmyndatæki (CT) og segulómtæki (MR) auk þess sem gerðar eru brjóstamyndatökur, beinþéttnimælingar og ómskoðanir.

Staðan veitist frá 1. maí n.k. eða eftir nánara samkomulagi.

• Veita faglega forystu og leiða þróun myndgreiningalækninga

• Yfirlæknir er leiðtogi ber ábyrgð á faglegu starfi og stuðla að umbótum

• Styðja og leiða starfsfólk í krefjandi og spennandi starfsumhverfi

• Tryggja gæði þjónustu og stuðla að öflugri kennslu og vísindastarfi

• Yfirlæknir ber ábyrgð á kennsluhlutverki og tekur þátt í klínísku starfi

• Vaktaskylda fylgir starfinu

• Íslenskt lækningaleyfi og fullgild sérfræðiréttindi í myndgreiningalækningum

• Fagleg reynsla, fræðileg þekking og reynsla að stjórnun og kennslu

• Leiðtogahæfileikar og geta til að sjá tækifæri til umbóta og tilbúinn að leiða umbótastarf og breytingar

• Jákvætt viðmót og hæfileikar á sviði stjórnunar-, kennslu og samskiptahæfni

• Drífandi, metnaðarfullur og tilbúinn að skapa jákvætt og kraftmikið starfsumhverfi

• Frumkvæði og metnaður til að ná árangri í starfi

• Góð íslensku- og enskukunnátta, bæði í mæltu og rituðu máli

• Gerð er karfa um vammleysi, s.s. að vera með gott orðspor og að framkoma og athafnir á vinnustað og utan hans samrýmist starfinu

Laun samkvæmt gildandi kjarasamningi sem fjármála- og efnahagsráðherra og Læknafélag Íslands hafa gert.

Umsóknum skal skilað rafrænt á vef sjúkrahússins www.sak.is.¿Umsóknum skulu fylgja ítarlegar upplýsingar um nám, fyrri störf, reynslu af stjórnunarstörfum ásamt upplýsingum um fræðilegar rannsóknir og ritstörf, auk kennslustarfa eftir því sem við á.¿

Stöðunefnd lækna, sbr. 36. gr. laga um heilbrigðisþjónustu nr. 40/2007, metur faglega hæfni umsækjenda er b yggist á innsendum gögnum, sjá nánar upplýsingar á vef Embættis landlæknis Stöðunefndir (landlaeknir.is). Einnig þarf að fylla út umsókn um læknisstöðu/stöðu framkvæmdastjóra lækninga sem nálgast má hér Umsókn um læknisstöðu/stöðu framkvæmdastjóra lækninga

Ákvörðun um ráðningu mun byggjast á ráðningarviðtölum, innsendum gögnum, umsagnaraðilum og umsögn stöðunefndar. Öllum umsóknum verður svarað þegar ákvörðun um ráðningu hefur verið tekin.

Gildi Sjúkrahússins á Akureyri eru: Öryggi samvinna framsækni. Við ráðningar í störf við SAk er tekið er mið af jafnréttisstefnu sjúkrahússins sem er reyklaus vinnustaður.

Sjúkrahúsið veitir alþjóðlega DNV-GL vottaða heilbrigðisþjónustu með ISO vottuðu gæðastjórnunarkerfi. Áhersla er á virka þátttöku allra starfsmanna til að uppfylla þær gæðakröfur sem gerðar eru í alþjóðlegum stöðlum sem sjúkrahúsið er vottað eftir.