Krafa um réttindi
Skipstjórar á skemmtibátum sem eru sex metrar að skráningarlengd eða lengri, þurfa að afla sér grunnþekkingar á öryggisþáttum sem tengjast siglingum og skipstjórn og hafa gilt skipstjórnarskírteini á skemmtibát.
Fylgigögn
Þeir sem ætla að sækja um skipstjórnarskírteini skemmtibáts þurfa að fylla út rafræna umsókn. Eftirtalin gögn þurfa að fylgja umsókn áður en hún er tekin til afgreiðslu:
Læknisvottorð um sjón, heyrn og heilbrigði sjómanna sem er yngra en sex mánaða.
Nýleg passamynd - stafræn eða á ljósmyndapappír.
Rithandarsýnishorn.
Vottorð prófdómara bóklegs prófs (ef um frumútgáfu er að ræða).
Vottorð prófdómara verklegs prófs (ef um frumútgáfu er að ræða).
Staðfesting á greiðslu .
Gögnin er hægt að senda rafrænt sem fylgiskjöl með umsókninni. Einnig er hægt að senda gögn á netfangið sigling@samgongustofa.is eða í pósti merkt Samgöngustofu, Ármúla 2, 108 Reykjavík.
Kostnaður
Gjald fyrir umsókn um útgáfu og endurnýjun skemmtibátaskírteina fer eftir gjaldskrá Samgöngustofu. Gjaldið greiðist inná reikning nr. 515-26-210777 í Íslandsbanka. Reikningseigandi er Samgöngustofa kt: 540513-1040. Greiðslukvittun skal senda á sigling@samgongustofa.is.
Ítarefni
Laga og reglugerðastoð
Lög um áhafnir skipa nr. 82/2022, 11. gr
Um próf til skemmtibátaskírteinis er að finna í reglum nr. 393/2008
Um skírteinið í 17. gr. reglugerðar nr. 944/2020.
Þjónustuaðili
Samgöngustofa