Heimasíðan hefur verið uppfærð þannig að upplýsingar um nýtt kerfi eru birtar undir viðeigandi málaflokkum. Upplýsingar um eldra kerfið eru einnig aðgengilegar á vefnum.

Vegna hins nýja kerfis erum við nú með tvær reiknivélar á forsíðu tr.is og er önnur eingöngu fyrir útreikninga samkvæmt nýjum greiðsluflokkum frá 1. september, en hin er fyrir ellilífeyri.

Það er okkur tilhlökkunarefni að taka upp nýtt kerfi sem felur meðal annars í sér aukið samráð við aðra þjónustuaðila svo sem heilbrigðisstofnanir, félagsþjónustur sveitarfélaga, Vinnumálastofnun og VIRK – Starfsendurhæfingarsjóð. Sömuleiðis eru væntingar okkar að með nýju kerfi getum við veitt enn betri þjónustu.