Þjóðskjalasafn Íslands
Hagur stjórnsýslunnar í brennidepli á vorráðstefnu Þjóðskjalasafns
15. maí 2025
Árleg vorráðstefna Þjóðskjalasafns Íslands fór fram í gær í sjöunda sinn. Ráðstefnan var afar vel heppnuð og vel sótt eins fyrri ár og voru þátttakendur um 150. Yfirskrift hennar að þessu sinni var „Hver er hagur stjórnsýslunnar með skjalastjórn og skjalavörslu?“
Flutt voru fimm erindi frá ýmsum sjónarhornum, frá hendi opinbers skjalasafns, upplýsingaréttar, rannsóknarhagsmuna og afhendingarskyldra aðila. Að erindum loknum sáttu frummælendur í pallborði og spunnust góðar umræður um viðfangsefnið.
Erindi fluttu Heiðar Lind Hansson frá Þjóðskjalasafni Íslands, Ásthildur Valtýsdóttir frá forsætisráðuneytinu, Finnur Þór Vilhjálmsson formaður Rannsóknarnefndar Alþingis vegna snjóflóðsins í Súðavík 1995, Elín Huld Hartmannsdóttir frá Sýslumanninum á höfuðborgarsvæðinu og Daldís Ýr Guðmundsdóttir frá Landsbankanum. Fundarstjóri var Njörður Sigurðsson aðstoðarþjóðskjalavörður og Hrefna Róbertsdóttir þjóðskjalavörður setti ráðstefnuna.
Sjá nánari upplýsingar um frummælendur, heiti erinda og dagskrá hér.
Á myndinni eru frá vinstri: Njörður Sigurðsson, Ásthildur Valtýsdóttir, Finnur Þór Vilhjálmsson, Elín Huld Hartmannsdóttir, Daldís Ýr Guðmundsdóttir og Heiðar Lind Hansson.