Umsóknarferlið er að fullu orðið stafrænt. Stæðiskortin eru send heim með pósti og tekur 3-5 virka daga. Einnig er hægt að sækja það á þá skrifstofu sýslumanns sem valin var í umsóknarferlinu. Þá er einnig er hægt að nálgast umsóknina eftir að hún hefur verið send inn á Mínar síður á Ísland.is.

Stæðiskort hreyfihamlaðra veitir handhöfum heimild til að leggja ökutæki í gjaldskyld P-merkt bifreiðastæði án sérstakrar greiðslu og stæði eingöngu ætluð hreyfihömluðum. Vakin er athygli á því að sérreglur kunna að gilda um gjaldskyldu í þjóðgörðum og bílastæðahúsum.

Einnig má leggja ökutæki í viðkomandi EES-ríki þar sem korthafi dvelur.

Umsóknin sækir sjálfkrafa læknisvottorð og mynd í ökuskírteinaskrá Ríkislögreglustjóra. Sömuleiðis er gefinn kostur á að hlaða upp mynd kjósi viðkomandi slíkt.

Á hverju ári sækja um 2.000 manns um stæðiskort. Umboðsvirkni er í smíðum en þá geta foreldrar sótt um fyrir börn sín.

Umsókn um stæðiskort fyrir hreyfihamlaða og frekari upplýsingar má á Ísland.is.