Enn aukið við rétt til ferðakostnaðar innanlands 2024
26. júní 2024
1. júlí næstkomandi tekur gildi breyting á reglugerð um ferðakostnað innanlands. Í breytingunni felst að almennur réttur til þess að fá greiddan ferðakostnað verður fjórar ferðir á hverju almanaksári.
![](https://images.ctfassets.net/8k0h54kbe6bj/4mJejkcNvbNlY1eomeevGW/3fd40385fad18f84b0be63875a0a4bf5/Tannlaeknir-1.jpg?w=50&fm=webp&q=80)
![Tannlæknir - Sjúkratryggingar](https://images.ctfassets.net/8k0h54kbe6bj/4mJejkcNvbNlY1eomeevGW/3fd40385fad18f84b0be63875a0a4bf5/Tannlaeknir-1.jpg?w=774&fm=webp&q=80)
Fyrr á árinu 2024 var ferðum fjölgað í þrjár ferðir í stað tveggja á 12 mánaða tímabili áður, með þessari breytingu verða ferðirnar nú fjórar þegar nauðsynleg heilbrigðisþjónusta er ekki aðgengileg í heimabyggð.
Frá sama tíma fellur niður að skila inn læknisvottorði til þess að sækja um greiðsluþátttöku vegna fjögurra ferða á ári. Áfram þarf þó að skila inn læknisvottorði þegar um er að ræða ítrekaðar ferðir vegna alvarlegra sjúkdóma.
Sjá upplýsingar um ferðakostnað.