Við þökkum fyrir frábæra þátttöku í jóladagatalinu okkar. Í desember drógum við út á hverjum degi tvo vinningshafa og sendum samtals út 48 endurskins bakpoka til barna um allt land.

Vinningshafi stóra vinningsins var 3. bekkur í Helgafellsskóla og þangað mættu Skjóða og Skyrgámur í gær. Þau afhentu vinninginn sem var pizzaveisla fyrir bekkinn, nokkur borðspil, innipúkabrúða og endurskinsmerki.

Mikil gleði ríkti meðal krakkanna að hitta þau Skjóðu og Skyrgám og það var einstaklega gaman að geta fagnað þrettándanum og hvatt jólin með þessum hætti.