Hlutverk úttektaraðila

Úttektaraðili skal framkvæma úttekt á rafrænni skrá leigubifreiðastöðva með sérstakri áherslu á:

• öryggi og gæði gagna

• skráningu, miðlun og varðveislu gagna í rafrænum kerfum

• aðgengi eftirlitsaðila að upplýsingum í rauntíma

• að kerfin uppfylli kröfur um gagnavernd, dulkóðun og aðgangsstýringu

• áreiðanleika rafrænnar skrár um seldar ferðir, þ.m.t. gervihnattaupplýsingar, verðupplýsingar og auðkenni ökutækja og leyfishafa.

Úttektaraðili skal gera skýrslu um framkvæmd úttektarinnar og skila henni til Samgöngustofu.

Hæfniskröfur

Umsækjandi skal uppfylla eftirfarandi skilyrði:

• starfrækja stjórnkerfi á sviði gæða-og/eða upplýsingaöryggis samkvæmt viðurkenndum, alþjóðlegum stöðlum

• úttektaraðili skal uppfylla kröfur samkvæmt einum af eftirfarandi stöðlum eða sambærilegar kröfur:

  • ISO 27001 um stjórnun upplýsingaöryggis

  • ISO 9001 um gæðastjórnun

• vera sjálfstæður og óháður þeim aðilum sem teknir eru út, þ.e. úttektaraðili má ekki hafa:

  • þróað eða rekið viðkomandi kerfi

  • sinnt reglubundinni ráðgjöf fyrir leigubifreiðastöð sem tekin er út

  • átt fjárhagslegra hagsmuna að gæta

  • komið að hönnun kerfisins

• hafa reynslu af sambærilegum úttektum á hugbúnaðar- eða upplýsingakerfum, einkum þar sem gerðar eru kröfur um öryggi, gæði og meðferð viðkvæmra gagna

• úttektir skulu framkvæmdar samkvæmt viðurkenndum aðferðum við úttektir upplýsingakerfa og upplýsingaöryggis

• geta sýnt fram á reynslu við framkvæmd sambærilegra úttekta, hvort heldur með:

  • tilteknum fjölda úttekta, eða

  • sambærilegri starfsreynslu sem Samgöngustofa metur fullnægjandi

• hafa þekkingu á sambærilegum kerfum sem halda utan um rafræn gögn, þar með talið:

  • gervihnattaupplýsingar,

  • miðlun upplýsinga í rauntíma,

  • aðgangsstýringu fyrir eftirlitsaðila og neytendur

• hafa þekkingu á kröfum sem lúta að gagnavernd og persónuvernd.

Kostnaður og eftirlit

• Leigubifreiðastöðvar bera kostnað af árlegum úttektum úttektaraðila.

• Samgöngustofa hefur eftirlit með gæðum og niðurstöðum úttekta.

• Samgöngustofa getur látið framkvæma viðbótarúttekt telji stofnunin tilefni til

  • komi í ljós verulegir annmarkar sem geta haft áhrif á öryggi leigubifreiðaþjónustu getur Samgöngustofa ákveðið að leigubifreiðastöð beri kostnað af slíkri viðbótarúttekt.

Umsókn

Umsókn skal innihalda upplýsingar um:

• reynslu umsækjanda af sambærilegum úttektum

• dæmi um verkefni sem umsækjandi hefur sinnt

• lýsingu á hæfni og aðferðum við úttekt stafrænna kerfa

• staðfestingu á hlutleysi aðila

Samgöngustofa fer yfir umsóknir og samþykkir þá umsækjendur sem uppfylla framangreind skilyrði.

Umsóknir berist á netfangið samgongustofa@samgongustofa.is.