Skoðun á björgunar- og öryggisbúnaði
21. maí 2024
Björgunar- og öryggisbúnaður skipa skal alltaf skoðaður þegar gildistími hans rennur út.
![](https://images.ctfassets.net/8k0h54kbe6bj/56A0ihV7DZsg2jd46q8Wm5/3a91b25317fb81279608fc137af1ba09/__emm.is.-0714.jpg?w=50&fm=webp&q=80)
![Samgöngustofa bryggja](https://images.ctfassets.net/8k0h54kbe6bj/56A0ihV7DZsg2jd46q8Wm5/3a91b25317fb81279608fc137af1ba09/__emm.is.-0714.jpg?w=774&fm=webp&q=80)
Samgöngustofa áréttar að björgunar og öryggisbúnaður skipa (s.s. gúmmíbjörgunarbátar, losunarbúnaður - þrýstimembrur, flugeldar o.s.frv.), skal alltaf skoðaður, prófaður eða endurnýjaður þegar gildistími búnaðarins rennur út. Dæmi um þetta er, að gúmmíbjörgunarbátar skulu skoðaðir á 12 mánaða fresti af viðurkenndum þjónustuaðila. Þessar skoðanir eru óháðar öðrum skoðunum skipsins.
Mikilvægt er að útgerðir séu upplýstar um þetta. Þrátt fyrir breytt fyrirkomulag á framkvæmd skoðana á skipum (s.s. búnaðarskoðun, vél- og rafmagnsskoðun, botnskoðun, bolskoðun ofan sjólínu) þá hafa engar breytingar orðið varðandi hvenær björgunar og öryggisbúnaður skal prófaður, skoðaður eða endurnýjaður.