Samtök evrópskra flugmálayfirvalda, ECAC, var stofnað árið 1955 af 19 ríkjum Evrópu, þar á meðal Íslandi, en aðildarríkin eru nú 44 alls. ECAC hefur aðsetur í París og nær umráðasvæði þess frá og með Grænlandi í vestri og allt austur að Kaspíahafi með aðild Aserbaídsjan.

ECAC vinnur að þróun öruggra, skilvirkra og sjálfbærra evrópskra flugsamgangna. Í því skyni leitast ECAC við að samræma stefnu og starfshætti flugs á milli aðildarríkjanna og stuðla að gagnkvæmum skilningi á stefnumálum aðildarríkjanna og ríkja sem tilheyra öðrum flugmálastjórnum annarra heimsálfa.

Megináherslur ECAC felast í að standa vörð um öryggi flugsamgangna, hagkvæmni iðnaðarins og umhverfismál.

Samgöngustofa á fyrir Íslands hönd aðild að ECAC.