Samkvæmt lögum er óheimilt að starfrækja loftför í ábataskyni, svo sem að fljúga með farþega gegn gjaldi, nema með gildu flugrekstrarleyfi. Slík leyfi eru háð öryggiskröfum sem ná meðal annars til starfrækslu og viðhalds loftfara, sem og heilbrigðis og þjálfunar flugmanna. Eftirlit með handhöfum flugrekstrarleyfa er jafnframt umfangsmeira en með almannaflugi, þ.e. flugi sem ekki er rekið í ábataskyni.

Samgöngustofa hvetur einstaklinga, fyrirtæki og stofnanir sem kaupa flugþjónustu til að ganga úr skugga um að viðkomandi þjónustuaðili hafi öll nauðsynleg leyfi.

Á heimasíðu Samgöngustofu má finna lista yfir handhafa starfsleyfa fyrir rekstur loftfara í ábataskyni.