Heimsóknatímar deildarinnar eru tveir: milli kl. 16 og17:00 og aftur milli kl. 19 og 20 alla daga vikunnar.

• Hvíldartími sjúklinga er á milli 13 og 14

• Ef þörf er á heimsóknum utan þessa tíma verður að hafa samband við starfsfólk.

Í dagstofunni er stórt sjónvarp, auk þess eru minni sjónvörp á öllum sjúkrastofum deildarinnar sem og internettenging. Geta sjúklingar því haft með sér tölvur, farsíma eða annan þess háttar búnað. Á deildinni er ein nettengd fartölva sem sjúklingar hafa afnot af. Í dagstofunni eru ýmsar bækur og tímarit fyrir sjúklingana sem öllum er velkomið að lesa.

Í dagstofunni er ísskápur þar sem sjúklingar geta geymt mat og drykki.

Á deildinni er aðstandendaherbergi sem fjölskylda og aðstandendur mikið eða langveikra sjúklinga geta haft afnot af. Þar er ísskápur og örbylgjuofn. Herbergið er einnig notað fyrir fjölskyldufundi. Aðstandendur geta hringt á deildina og fengið samband við sjúklinga.