Starfsemistölur fyrir janúar til maí 2024
10. júní 2024
Samdráttur í fjölda ferðamanna sem leita á SAk
![](https://images.ctfassets.net/8k0h54kbe6bj/4TYE77wJDHeKIUQJF57Q3Q/7e857423ee1aafb51e719633a85bfa21/PEDR9781.jpg?w=50&fm=webp&q=80)
![Hildigunnur Svavarsdóttir forstjóri SAk - landscape](https://images.ctfassets.net/8k0h54kbe6bj/4TYE77wJDHeKIUQJF57Q3Q/7e857423ee1aafb51e719633a85bfa21/PEDR9781.jpg?w=774&fm=webp&q=80)
Fjöldi dvalardaga þessa fimm mánuði var rúmlega 11.566 sem er um 17% fækkun frá því í fyrra en að sama skapi er fækkun sjúklinga sem þurfa að leggjast inn um 3,5%. Dvalir einstaklinga eru aðeins styttast og meðalfjöldi dvaladaga eru núna 4,7 dagar samanborið við 4,8 í fyrra.
Flestir sjúklinganna eru lagðir inn í bráðainnlögn en þær eru um 73% af heildarinnlögnum.
Að meðaltali eru um sex til sjö sjúklingar inniliggjandi á hverjum tíma sem eru búnir í meðferð og bíða eftir endurhæfingu eða plássi á hjúkrunarheimili.
Ef horft er til rúmanýtingar deilda þá er lyflækningadeild með 92,6% nýtingu, skurðlækningadeild með rúmlega 83%
sem er ívíð minna en í fyrra og á það sama við um geðdeildina. Ástæðan er sú sama og að ofan að útskriftir eiga sér stað fyrr en áður og rúmanýting þannig betri.
![](https://images.ctfassets.net/8k0h54kbe6bj/5PLqxlP7b3NepKAPG5SiWy/90b506a0592ecf738a0a04d9539d5c52/image002.png?w=50)
![Starfsemistölur janúar til maí 2024](https://images.ctfassets.net/8k0h54kbe6bj/5PLqxlP7b3NepKAPG5SiWy/90b506a0592ecf738a0a04d9539d5c52/image002.png)
Rúmlega 6.400 einstaklingar hafa fengið þjónustu á göngudeild og þar af
977 vegna krabbameinslyfjagjafar, samanborið við 886 lyfjagjafir á sama tíma í fyrra og er stöðug aukning í þeirri þjónustu.
Á bráðamóttöku og göngudeild bráðamóttöku er fjöldi samskipta 7.540 samanborið við
7.482 á sama tíma í fyrra (sjá graf um komur á bráðamóttöku janúar til maí ár hvert). Biðtími eftir því að hitta lækni á bráðamóttöku hefur aukist lítillega og er nú um 45
mínútur sem er aðeins fyrir utan viðmið okkar um 40 mínútna bið eftir lækni.
![](https://images.ctfassets.net/8k0h54kbe6bj/FaX5tJETghiDFXGosTa7i/9707b572dbb5499c81b78f7811de0b9a/image003__1_.png?w=50)
![starfsemistölur janúar til maí 2024 - mynd 2](https://images.ctfassets.net/8k0h54kbe6bj/FaX5tJETghiDFXGosTa7i/9707b572dbb5499c81b78f7811de0b9a/image003__1_.png)
Fjöldi skurðaðgerða þessa fimm mánuði ársins voru 1.125 sem er sambærilegt og í fyrra. Tæplega 29% aðgerða voru bráðaaðgerðir og gerviliðaaðgerðir 169 á móti 175 gerviliðaaðgerðum í fyrra.
Fjöldi myndgreiningarannsókna (án brjóstamynda) var rúmlega 17.000 og gerir það að meðaltali um 112 rannsóknir á dag sem er sambærilegt og verið hefur. Sambærileg starfsemi er á rannsóknadeild og lífeðlisfræðideild eins og í fyrra.
Enn heldur áfram aukning í fæðingum miðað við í fyrra en í ár hafa fæðst 168 börn samanborið við 160 börn á sama tíma í fyrra.
Sjá má lítilsháttar fækkun í komum og innnlögnum ósjúkratryggðra miðað við sama tímabil í fyrra.