Þema dagsins í ár er hjarta- og æðasjúkdómar og heilaslag. Athygli er meðal annars vakin á mikilvægi hreyfingar í forvörnum og endurhæfingu undir yfirskriftinni: Sittu minna – hreyfðu þig meira!

Regluleg hreyfing skiptir máli á öllum æviskeiðum. Sjúkraþjálfarar styðja fólk við að auka hreyfingu á öruggan hátt, bæta færni og hreyfigetu og ná aftur auknu sjálfstæði eftir veikindi eða áföll.

Á alþjóðlegum degi sjúkraþjálfunar færum við sjúkraþjálfurum bestu þakkir fyrir þeirra mikilvæga og fjölbreytta starf í þágu sjúklinga.