Upphafsdagur er 23. febrúar 2026, annars getur upphaf starfs verið samkvæmt samkomulagi við kennslustjóra hverrar sérgreinar fyrir sig.

Móttökudagur sérnáms verður haldinn 26. febrúar 2026 og er skyldumæting á hann. Sérnám í læknisfræði á Íslandi hefur þróast hratt á undanförnum árum. Nú er veitt sérnám í flestum grunngreinum lækninga á Íslandi í samræmi við alþjóðleg gæðaviðmið.

Sérnám fer að mestu leyti fram á Landspítala og Sjúkrahúsinu á Akureyri. Aðrir samstarfsaðilar eru Heilbrigðisstofnun Vesturlands á Akranesi, Heyrnar- og talmeinastöð Íslands og Reykjalundur. Ef samvinna hefur verið staðfest milli LSH og samstarfsaðila í viðkomandi sérgrein er gert ráð fyrir að sérnámslæknar vinni á báðum stöðum. Það sérnám sem hér er auglýst eru sérnámsleiðir viðkomandi greina á Íslandi sem samþykktar hafa verið af mats- og hæfnisnefnd í samræmi við reglugerð 856/2023. Sérnám samræmist viðurkenndri marklýsingu viðkomandi greinar og fylgir mats- og handleiðslukerfi þjálfaðra handleiðara.

Doktorsnám er mögulegt samhliða klínísku sérnámi. Ef fyrir liggur samþykkt rannsóknaráætlun fyrir doktorsnám getur umsækjandi sótt um slíka stöðu. Að lágmarki væri þá um 50% ráðningu við Landspítala að ræða eða eftir samkomulagi og klínískt sérnám lengt sem því nemur og í samræmi við reglugerð 856/2023. Taka skal óskir um slíkt sérstaklega fram í athugasemdum við umsókn og í kynningarbréfi. Samþykkt rannsóknaráætlun doktorsnáms skal fylgja með umsókn.

Sjá almennt kynningarmyndband um sérnám í læknisfræði

Umsóknir um sérnámið eru hér, athugið að ef umsækjandi ætlar að sækja um fleiri en eina sérgrein þarf að sækja um hverja og eina í aðskildri umsókn.

Sérnámsstöður í barnalækningum

Sérnámsstöður í barna- og unglingagerðlækningum

Sérnámsstöður í bráðalækningum

Sérnámsstöður í bæklunarskurðlækningum

Sérnámsstöður í endurhæfingarlækningum

Sérnámsstöður í geðlækningum

Sérnámsstöður kjarnanám í skurðlækningum

Sérnámsstöður í lyflækningum, fyrra stig (MRCP)