Í dag, 12. júní, fékk blóðskilun SAk gjöf til minningar um Svölu Tómasdóttur.

Svala var í blóðskilun í rúm 3 ár en hún lést 23. desember 2023. Það voru skólasystur Svölu frá Húsmæðraskólanum á Laugalandi í Eyjafirði sem gáfu gjöfina.

Gjöfin innihélt hitateppi fyrir skjólstæðinga og örbylgjuofn til að hita grjónapoka á axlirnar ásamt hitapúða fyrir axlir handa starfsfólki.

Þessi gjöf mun nýtast okkar fólki mjög vel og erum þakklát fyrir velvild og hlýhug, segir Sólveig Tryggvadóttir verkefnastjóri á blóðskilun.

Á meðfylgjandi mynd eru Sigríður M Gamalíelsdóttir, Sigurlína G Jónsdóttir og Sólveig Tryggvadóttir.