Fyrsti íslenski forseti samtaka fæðinga- og kvensjúkdómalækna á Norðurlöndunum
1. september 2023
Alexander Smárason yfirlæknir fæðinga- og kvensjúkdómalækninga Sjúkrahússins á Akureyri og prófessor við heilbrigðisvísindastofnun HHA var nýverið kosinn forseti NFOG, samtaka fæðinga- og kvensjúkdómalækna á Norðurlöndunum. Þetta er í fyrsta skiptið sem Íslendingur gegnir þessari stöðu.
![](https://images.ctfassets.net/8k0h54kbe6bj/6qeb8QKujHW7MFfl8U9D24/773df21c508e2866f916dd348b08ca6c/Alexander_Sm_rason.png?w=50&fm=webp&q=80)
![Alexander Smárason](https://images.ctfassets.net/8k0h54kbe6bj/6qeb8QKujHW7MFfl8U9D24/773df21c508e2866f916dd348b08ca6c/Alexander_Sm_rason.png?w=774&fm=webp&q=80)
Áður var Alexander í 6 ár einn af ritstjórum fagtímarits sambandsins (Acta Obstetricia et Gynecologica Scandinavica) og síðan í stjórn NFOG í 10 ár - fyrst sem formaður vísindanefndar NFOG og síðan sem formaður FíFK félags íslenskra fæðinga- og kvensjúkdómalækna.
Aðalmarkmið félagsins er að vinna að öflugu vísindastarfi og efla samstarf milli fæðinga- og kvensjúkdómalækna á norrænum sjúkrahúsum. Samtökin eru mjög virk og halda ráðstefnur reglulega.