„Við kunnum atNorth bestu þakkir fyrir þessa rausnarlegu gjöf. Það er jafnframt ánægjulegt að öflug þátttaka starfsfólks SAk í Akureyrarhlaupinu hafi orðið til þess að þessi styrkur skuli renna til Hollvina SAk, sem hafa um árabil gegnt mikilvægu hlutverki í að styrkja starfsemi sjúkrahússins, meðal annars með stuðningi við mikilvæg tækjakaup,“ segir Guðjón Hauksson, forstjóri Sjúkrahússins á Akureyri.

„Við hjá Hollvinum SAk erum afar þakklát bæði atNorth fyrir styrkinn og starfsfólki SAk fyrir þátttökuna sem gerði þetta mögulegt. Framlög sem þessi gera okkur kleift að halda áfram að styðja við mikilvæg verkefni á sjúkrahúsinu, ekki síst tækjakaup sem nýtast sjúklingum og starfsfólki til framtíðar. Jafnframt viljum við minna á að það er einfalt að gerast Hollvinur SAk. Árgjaldið er 6.000 krónur og er innheimt einu sinni á ári, í maí. Við hvetjum alla sem vilja styðja við starfsemi sjúkrahússins til að ganga til liðs við okkur,“ segir Kristín Sigfúsdóttir, ritari stjórnar Hollvina SAk.