Í dag er alþjóðlegur dagur lífeindafræðinga. Við Sjúkrahúsið á Akureyri eru störf lífeindafræðinga fjölbreytt. Þeir vinna á rannsókn, í meinafræði og á lífeðlisfræðideild.

Á rannsóknarstofunum starfa:

• 26 lífeindafræðingar

• 2 líftæknar

• 3 sjúkraliðar

• 3 ritarar/skrifstofa

• 1 aðstoðarmaður

• 3 læknar

Rannsóknarstofurnar eru þrjár:

• Meinafræði

• Lífeðlisfræði

• Rannsókn

Á rannsóknarstofunum eru gerðar yfir 2.500 mismunandi rannsóknir og er heildarfjöldi rannsókna 350.000 á ári.

Lífeindafræði er 4 ára háskólanám og er

• sjúkdómafræði

• efnafræði

• eðlisfræði

• og tækjafræði

stór hluti af daglegri vinnu.

Á rannsókn er eina útibúið frá Blóðbanka LSH þar sem gerðar eru sérhæfðar rannsóknir.

Árlega koma um 12.000 manns í blóðprufu á rannsókn fyrir utan inniliggjandi sjúklinga.

„Við lífeindafræðingar erum dálítið falin fagstétt þar sem við vinnum mest inn á lokuðum rannsóknastofum og mjög fáir vita hvað við gerum - fyrir utan að „taka blóðprufur og rannsaka kúk og piss“ eins og margir orða það. Þess vegna er svo mikilvægt fyrir okkur að nota tækifærið á alþjóðlega deginum okkar og sýna fólki hvað við vinnum fjölbreytt og mikilvæg störf.

Hér á SAk er t.d. fjölsviða rannsóknastofa þar sem fjögur fagsvið eru sameinuð undir einni deild, klínísk lífefnafræði, blóðmeinafræði, sýkla- og veirufræði og blóðbanki. Svo eru tvær minni rannsóknarstofur á SAk; meinafræði og lífeðlisfræði - það eru því mjög fjölbreytt verkefni sem lífeindafræðingar vinna hérna á SAk,“ segir Inga Stella Pétursdóttir, deildarstjóri á rannsóknadeild.

Hér má sjá myndband sem rannsóknadeildir gerðu í tilefni dagsins.

Við óskum öllum lífeindafræðingum til hamingju með daginn!