Umsóknarfrestur er til 10. nóvember 2026 kl. 15:00. Gert er ráð fyrir að opnað verði fyrir umsóknir í september.

Breytingar á umsóknarferli

Rafræn ferilbók forsenda styrkveitingar.

Vegna breytinga á umsóknarkerfi sjóðsins verður umsóknarferlið í tveimur skrefum.

Vonast er til að þegar opnað verður fyrir umsóknir verði komin tenging milli umsóknarkerfis Vinnustaðanámssjóðs og rafrænnar ferilbókar þannig að sjálfvirkt verði staðfest hvort vinnustaðanámssamningur sé í gildi. Ef sú tenging verður ekki tilbúin þurfa umsækjendur að láta afrit af námssamningum úr rafrænni ferilbók fylgja umsókn sinni.

Sótt verður um styrki vegna vinnustaðanáms á 12 mánaða tímabilinu nóvember 2025 til október 2026.

Mælt er með að vinnustaðir undirbúi umsóknir tímanlega

Til að einfalda umsóknarferlið er fyrirtækjum bent á að:

• ganga úr skugga um að vinnustaðanámssamningar í rafrænni ferilbók séu fullfrágengnir,

• stofna umsókn og skrá nemendur þegar opnað verður fyrir umsóknir,

• safna saman nauðsynlegum fylgigögnum, svo sem launaseðlum sem staðfesta umsótt vinnustaðanám, áður en umsóknarfrestur rennur út.

Um Vinnustaðanámssjóð

Markmið Vinnustaðanámssjóðs er að hvetja fyrirtæki til að taka við nemendum í vinnustaðanám og gera þeim kleift að ljúka þeim verklega hluta starfsnáms sem krafist er samkvæmt námskrá framhaldsskóla.

• Vefsvæði Vinnustaðanámssjóðs

• Upplýsingar og ráðgjöf um rafræna ferilbók er hjá Nemastofa.is.

• Athugið: Úthlutunarreglur vinnustaðanámssjóðs voru uppfærðar 25. september 2025.

Nánari upplýsingar:
Tölvupóstfang: vinnustadanamssjodur@rannis.is
Sími: 515 5833/ 515 5843