Framkvæmdin gengur vel og þátttaka er góð. Skólar hafa fjórar vikur til að leggja prófin fyrir sem tryggir skólum svigrúm og sveigjanleika.

„Þetta er mikilvægur áfangi og við fögnum því að vera komin af stað,“ segir Þórdís Jóna Sigurðardóttir, forstjóri Miðstöðvar menntunar og skólaþjónustu. „Markmiðið er að prófin styðji við markvissa eftirfylgni og gefi bæði nemendum og kennurum gagnlegar upplýsingar um stöðu námsins.“