Tilnefningar í verkefninu Sögur voru kynntar nýverið en verkefnið er samstarfsverkefni sjö stofnana sem hefur það að markmiði að efla sköpun, frásagnargleði og þátttöku barna í menningu og listum. Fjallað var um tilnefningarnar í Morgunblaðinu.

Verðlaunahátíð sýnd á RÚV

Verðlaunahátíðin Sögur fer fram 30. maí og verður sýnd á RÚV klukkan 19:50. Þar verða verðlaun veitt í flokki smásagna, laga og texta, leikritahandrita og stuttmyndahandrita. Á hátíðinni fá börn sem eiga sigurverk verðlaunagripinn Svaninn, verðlaunagrip Sagna.

Lög, leikrit og stuttmyndir unnin áfram

Þrjú lög eftir börn voru valin og útsett af Ingvari Alfreðssyni. Lögin verða flutt á verðlaunahátíðinni og gefin út á Spotify í kjölfarið:

• Skólavinur

  eftir Auði Helgu Aradóttur Einarsdóttur, flutt af Klöru Elías

• Náttfatapartý

  eftir Evu Máneyju Ingibergsdóttur og Söru Lovísu Gunnarsdóttur, flutt af Jóhönnu Guðrúnu

• Förum út í geim

  eftir Ómar Elí Fannarsson, flutt af VÆB

Tvö leikritahandrit voru unnin áfram og sett upp af Borgarleikhúsinu með nemendum á lokaári leiklistarskóla leikhússins:

• Torgið

  eftir Ásgeir Atla Rúnarsson

• Geimverur í heimsókn!

  eftir Axel Frey Garðarsson, Hilmar Birkisson, Hrein Atla Gunnarsson og Sævar Hrafn Garðarsson

Þrjú stuttmyndahandrit voru einnig þróuð áfram og verða aðgengileg á vef KrakkaRÚV frá 28. maí:

• Svartholið

  eftir Móeiði Ronju Davíðsdóttur

• Gleraugun

  eftir Þórunni Obbu Gunnarsdóttur og Guðfinnu Kristnýju Helgadóttur

• Týnda mjólkin

  eftir Karítas Magnúsdóttur

Risastórar smásögur gefnar út af MMS

Sautján smásögur barna verða gefnar út í bókinni Risastórar smásögur. Rithöfundurinn Gunnar Helgason ritstýrði bókinni í samvinnu við höfunda. Bókin verður gefin út af Miðstöð menntunar og skólaþjónustu þann 1. júní, bæði á prenti og sem rafbók. Prentuðu eintökunum verður dreift í alla grunnskóla landsins á haustdögum. Smásögurnar verða einnig teknar upp á RÚV og lesnar af nemendum úr Leiklistarskóla Borgarleikhússins og leiklistarnemum á Akureyri. Þær verða aðgengilegar til hlustunar á Sarpi RÚV í haust.

Smásögurnar sautján

• Emma, ísbjörnin og fjólubláa skóflan

  eftir Valdísi Eir Óskarsdóttur

• Ferðin til Kólumbusareyju

  eftir Ingileif Teitsdóttur

• Hinn mikli íkorni

  eftir Rebekku Ástu Hrólfsdóttur
  (myndhöfundur: Rakel Eva Hrólfsdóttir)

• Hryssan og folaldið

  eftir Heiðnýju Jónasdóttur

• Hvíti bjarminn og kristallinn

  eftir Ingu Modesta Samuel

• Jón hinn mikli

  eftir Jón Anton Guðmundsson

• Lísa og magnaða geimveran

  eftir Ísabel Talíu Cambray Alexdóttur

• Nefhildur

  eftir Árdísi Heklu Pétursdóttur

• Nistið

  eftir Lovísu Hind Þorsteinsdóttur

• Ofurálfarnir

  eftir Hönnu Júlíu Lorenz

• Saga úr sólkerfinu

  eftir Sunnu Margréti Sigurðardóttur

• Skrýtna jólagjöfin

  eftir Tinnu Karenu Jóhannesdóttur
  (myndhöfundur: Elín Sóley Sande e Castro)

• Spegillinn

  eftir Jóhönnu Heiðrúnu Ágústsdóttur

• Sóley verður norn

  eftir Míu Eldey Einarsdóttur

• Súrt nammi

  eftir Sesselju Lóa Þöll Halldórsdóttur

• Tinntinn og ferðin til Ægrantíu

  eftir Ragnhildi Söru O'Brien

• Töfraboltinn

  eftir Berglindi Svönu Helgadóttur
  (myndhöfundur: Benjamín Aron Árnason)

Samstarfsverkefni

Sögur er samstarfsverkefni Borgarbókasafnsins, Borgarleikhússins, Bókmenntaborgar UNESCO, KrakkaRÚV, Listar fyrir alla, Miðstöðvar menntunar og skólaþjónustu og Skóla- og frístundasviðs Reykjavíkurborgar.

Verkefnið er styrkt af Barnamenningarsjóði Íslands og Barnamenningarhátíð Reykjavíkur.