Skrift 3 er framhald af Skrift 2b. Í bókinni eru tengingar út frá stafafjölskyldum rifjaðar upp og nemendur þjálfa skrift með ritun samfellds texta. Verkefnin tengjast meðal annars réttritun og greinarmerkjasetningu. Þar er einnig að finna skapandi ritunarverkefni og skemmtilegar þrautir.

Stuðningur við kennsluna

Í kennsluleiðbeiningum með Skrift 3 eru tillögur að innlögnum og kennsluáætlun. Þar er meðal annars fjallað um markmið, hjálpargögn og námsmat.

Kennarar geta einnig nýtt Skriftarsmiðjuna til að útbúa fjölbreytt þjálfunarefni í skrift. Þar er hægt að velja leturstærð eftir þörfum og útbúa verkefni sem henta hverjum nemanda.

Fleira efni á Skriftarvefnum

Skriftarvefurinn er hagnýtur vefur þar sem finna má allt útgefið efni í skrift. Á vefnum er meðal annars stöðumat í skrift, matsrammi fyrir kennara og góð ráð fyrir foreldra sem vilja þjálfa skrift með börnum sínum heima.

Skoða Skrift 3

Opna Skriftarsmiðjuna

Skoða Skriftarvefinn

Höfundur Skriftar 3 er Sigurlaug Rún Brynleifsdóttir og myndhöfundur er Ragnheiður Ásta Valgeirsdóttir.