Miðstöð menntunar og skólaþjónustu
RITUNARRAMMINN – NÁMSKEIÐ Í BOÐI
10. nóvember 2025
Ritunarrammann er nýtt verkfæri fyrir kennara sem aðstoðar þá við skipulag og kennslu ritunar. Með notkun rammans fæst heildarsýn yfir grunnþætti ritunar, hvað þarf að kenna og þjálfa á hverju stigi upp allan grunnskólann og því getur hann jafnframt nýst skólastjórnendum og læsisteymum skóla sem vilja tryggja samfellu í ritunarnámi nemenda sinna.
Námskeið um notkun Ritunarrammans í kennslu er nú aðgengilegt!
Námskeiðið er í tveimur hlutum og gagnast öllum kennurum sem koma að kennslu ritunar í grunnskólum. Fyrri hlutinn er rafrænn og hægt að ljúka honum þegar hverjum hentar. Í þessum fyrri hluta kynnast þátttakendur matsrammanum, efnisþáttum ritunar og fá fyrstu hugmynd um notkun.
Hægt er að nálgast rafræna námskeiðið hér.
Seinni hluti námskeiðsins er staðnámskeið sem haldið verður á nokkrum stöðum á landinu í samstarfi við skólaþjónustur og sjá þær um skráningu á staðnámskeiðið. Auk þessa stendur kennarafélögum (svæðafélögum) til boða að fá námskeiðið á kennaraþing. Mikilvægt er að þátttakendur ljúki fyrri hlutanum áður en þeir mæta á seinni hluta námskeiðsins. Í þessum seinni hluta námskeiðs fá þátttakendur þjálfun í að meta ritanir nemenda, veita endurgjöf út frá matinu og að skipuleggja ritunarkennslu.
Seinni hluti/staðnámskeið verður haldið í Miðstöð menntunar og skólaþjónustu miðvikudaginn 3. desember kl. 13-16 ef næg þátttaka næst.
Skráning þarf að berast fyrir 28. nóvember.