Miðstöð menntunar og skólaþjónustu
Næsta skref AI hjálpar fólki að kanna leiðir í námi og starfi
9. september 2026
Ný gervigreindarlausn, Næsta skref AI, er nú aðgengileg á vef Næsta skrefs. Þar geta notendur spurt spurninga og fengið aðstoð við að kanna mögulegar leiðir í námi og starfi.
Lausnin byggir á lokaverkefni nemenda í hugbúnaðarverkfræði og tölvunarfræði við Háskólann í Reykjavík. Hún var síðar þróuð áfram og birt í samstarfi Miðstöðvar menntunar og skólaþjónustu, auglýsingastofunnar Konsept og hugbúnaðarfyrirtækisins Apró.
Nemendurnir sem þróuðu lausnina eru Hera Brá Tómasdóttir, Kateryna Tkachuk, Tómas Ari Pálsson og Valgerður Eyja Eyþórsdóttir. Næsta skref AI byggir á hugmynd þeirra og vinnu. Við kunnum þeim bestu þakkir fyrir samstarfið.
Á vef Næsta skrefs hefur jafnframt verið tekin í notkun ný forsíða sem auðveldar notendum að finna fjölbreyttar upplýsingar um nám, störf og mögulegar leiðir fram á við.