Sagan fjallar um músina Lúkas sem bjargar lífi sínu með því að kunna að lesa. Bókin birtist á þremur tungumálum - íslensku, ensku og pólsku og býður þannig upp á fjölbreytta möguleika í læsisnámi og tungumálanámi barna.

Á hverri síðu eru spurningar sem styðja við lesskilning, ályktun og forspá. Aftast í bókinni eru orðskýringar og verkefni sem hvetja til umræðna, ritunar og frekari úrvinnslu. Áhersla er lögð á að efnið nýtist bæði í sameiginlegum lestri og sjálfstæðri vinnu nemenda.

Bókin getur einnig styrkt samstarf heimila og skóla. Tvítyngdir nemendur geta til dæmis lesið textann á íslensku í skólanum og deilt sögunni heima á pólsku eða ensku. Þannig styður efnið við læsi barna og eykur möguleika fjölskyldna til þátttöku í námi barna sinna, óháð tungumálabakgrunni.

Jafnframt gefur bókin íslenskumælandi börnum tækifæri til að kynnast öðrum tungumálum og sjá tungumál sem leið til samskipta, skilnings og nýrrar þekkingar.

Um bókina

Höfundur: Brynhildur Stefánsdóttir

Þýðingar:

• enska: Brynhildur Stefánsdóttir

• pólska: Elźbieta Anna Kowalczyk

Myndefni: Brynhildur Stefánsdóttir

Hægt er að skoða bókina inn á námsefnissíðunni okkar