Nýja innritunargáttin  var þróuð í nánu samstarfi Miðstöðvar menntunar og skólaþjónustu og Stafræns Íslands. Markmiðið er að einfalda ferlið, bæta þjónustu við umsækjendur og tryggja örugg samskipti með notkun rafrænnar auðkenningar. Guðrún Helga Ástríðardóttir er sérfræðingur í skólaþjónustu framhaldsskóla hjá Miðstöð menntunar og skólaþjónustu. Hún er í skýjunum með þessa nýjung: „Það er mjög mikilvægt að umsóknarferlið gangi snurðulaust fyrir sig, enda eru þetta sannarlega stór tímamót í lífi hvers einstaklings. Það er því gleðiefni hversu hratt og vel þróun þessarar innritunarlausnar gekk fyrir sig,“ segir Guðrún Helga og ber samstarfinu við Stafrænt Ísland vel söguna.

Foreldrar, forráðamenn og nemendur eru hvattir til að kynna sér ferlið vel og sækja um innan tilgreinds umsóknarfrests. Nánari upplýsingar um innritun og frekari leiðbeiningar má finna hér.