Yfir 6.000 tungumál eru töluð í heiminum og á bak við hvert þeirra er fjölbreytt menning, saga og reynsla. Með því að læra tungumál fáum við ekki aðeins ný verkfæri til samskipta heldur aukum við jafnframt skilning okkar á öðrum samfélögum og menningarheimum.

Víða nýta kennarar og skólar Evrópska tungumáladaginn til að brjóta upp hefðbundið skólastarf og vinna með tungumál, fjöltyngi og menningu á fjölbreyttan hátt.

Námsefni fyrir tungumáladaginn

Á námsefnisvef Miðstöðvar menntunar og skólaþjónustu má finna fjölbreytt efni sem hægt er að nýta í tengslum við daginn.

Danska: Tempo

Enska: Yes we can og Next Up!

Íslenska: Lúkas lesmús, Að heiman og heim – París og Viðsnúningur

Fjöltyngi og menning á MEMM

Á MEMM – Menntun, móttaka, menning má finna hugmyndir, fræðslu og hagnýt verkefni fyrir starfsfólk skóla og frístundastarfs. Efnið styður meðal annars við fjöltyngi, menningarnæmi og móttöku barna og ungmenna með fjölbreyttan tungumála- og menningarbakgrunn.

Þar má meðal annars finna Töfrakistu tungumálanna, þar sem tungumál og fjöltyngi eru gerð sýnileg með fjölbreyttum hætti.

Hugmyndir að verkefnum

Í tilefni dagsins hefur Miðstöð menntunar og skólaþjónustu einnig tekið saman hugmyndir að verkefnum sem hægt er að nýta í skólastarfi. Verkefnin bjóða upp á fjölbreyttar leiðir til að vinna með tungumál og vekja athygli nemenda á þeim tungumálum sem töluð eru í nærumhverfi þeirra og víðar.

Einnig má finna verkefni og annað efni í tengslum við Evrópska tungumáladaginn hjá Tungumálamiðstöð Evrópu.