Miðstöð menntunar og skólaþjónustu
Gerð stuðningsefnis við hæfniviðmið í íslensku sem öðru tungumáli í aðalnámskrá grunnskóla
8. október 2026
Við auglýsum eftir liðsinni við gerð stuðningsefnis fyrir hæfniviðmið í íslensku sem öðru tungumáli í aðalnámskrá grunnskóla. Um tímabundið og afmarkað verkefni er að ræða sem varað gæti í um 4 vikur, frá lokum október til nóvember 2026.
Við leitum að áhugasömu fólki sem:
hefur góða þekkingu á aðalnámskrá grunnskóla, hæfniviðmiðum ÍSAT og fylgiriti með kafla 19.3: Hæfnisvið og hæfnirammar í íslensku sem öðru tungumáli.
hefur mjög góða innsýn í skipulagningu náms og kennslu í íslensku sem öðru tungumáli
hefur a.m.k. 2 ára reynslu af kennslu íslensku sem annars tungumáls
hefur þekkingu og kennslureynslu á yngsta stigi, miðstigi og/eða unglingastigi grunnskólans í ÍSAT
býr yfir góðri samskiptahæfni og á gott með að vinna í hóp
hefur gott vald á íslensku
Verkefnið er án staðsetningar og hvetjum við fólk alls staðar af landinu til að sækja um. Leitast verður við að velja í verkefnahóp fólk með sem breiðasta þekkingu, reynslu og aðkomu að íslensku sem annað tungumál.
Greitt er fyrir verkefnið samkvæmt taxta Miðstöðvar menntunar og skólaþjónustu.
Umsækjendur fylli vinsamlegast út form í tengli hér.
Umsóknum er hægt að skila inn til miðnættis 19. október.
Fyrirspurnir vegna verkefnisins sendist á erla@midstodmenntunar.is