Miðstöð menntunar og skólaþjónustu
Eru fjármál stórmál?
4. júní 2024
Já, fjármál geta verið mjög stór mál, sérstaklega þegar fólk er að stíga sín fyrstu skref inn í heim peninganna. Þetta kennsluefni er sérstaklega hannað fyrir unglingastig grunnskóla og mun hjálpa nemendum að fóta sig í heimi fjármála.
Í námsefninu fá unglingarnir að læra um flest sem viðkemur fjármálum einstaklinga. Þar er talað t.d. um lán, sparnað og hvernig debet- og kreditkort virka.
Einnig er farið yfir réttindi og skyldur á vinnumarkaði, eins og orlof, skatta og veikindarétt. Og auðvitað eru öll helstu fjármálahugtök útskýrð á auðskiljanlegan hátt.
Nálgast má bókina á rafrænu formi inn á námsefnissíðu.