Menntamálastofnun auglýsir eftir metnaðarfullum námsefnishöfundum í afmarkað verkefni við að semja byrjendanámsefni (2. stig) í íslensku sem öðru tungumáli ætlað fyrir nemendur á mið- og unglingastigi grunnskólans. Námsefnið verður unnið á grunni Aðalnámskrár grunnskóla.

Umsækjandi þarf að:

-hafa háskólamenntun við hæfi (t.d. kennaramenntun, íslensku, ritlist, önnur tungumál)

-hafa reynslu af kennslu íslensku sem annars tungumáls, helst á grunnskólastigi eða kennslu erlendra tungumála

-búa yfir góðri færni í íslensku og textavinnu

-búa yfir skapandi hugsun og hugmyndaauðgi

-vera lipur í mannlegum samskiptum

-hafa innsýn í líf barna og ungmenna á Íslandi

-búa yfir menningarnæmi og þekkingu á aðstæðum innflytjenda á Íslandi

Enn fremur er æskilegt að umsækjandi hafi þekkingu á eða reynslu af :

-fjölmenningarlegu skólastarfi

-straumum og stefnum í tungumálanámi

-hafa þekkingu á fjölbreyttum kennsluháttum

-námsefnisgerð

-Evrópska tungumálarammanum

Gert er ráð fyrir að höfundar námsefnisins verði tveir. Einstaklingar geta sótt um en einnig geta tveir sótt um að vinna verkið saman.

Óskað er eftir að umsóknum fylgi kynningarbréf þar sem tilgreind er menntun og starfsreynsla ásamt öðrum upplýsingum. Fólk af öllum kynjum er hvatt til að sækja um.

Umsóknarfrestur er til 8. apríl 2024. Umsóknir skulu berast á netfangið namsefni@mms.is merkt Íslenska sem annað tungumál og nafni umsækjanda/umsækjenda. Nánari upplýsingar gefa Þorbjörg Halldórsdóttir thorbjorg.halldorsdottir@mms.is og Sigríður Wöhler sigridur.wohler@mms.is