Forseti Landsréttar
Hervör Þorvaldsdóttir

Varaforseti Landsréttar
Eiríkur Jónsson

Skrifstofustjóri
Gunnar Viðar

Fyrirspurnir og erindi
landsrettur@landsrettur.is

Dómsuppkvaðningar

Dómsuppkvaðningar í Landsrétti fara fram á fimmtudögum klukkan 15.00.
Dómsúrlausnir eru að jafnaði birtar klukkustund síðar.

Millidómstig

Landsréttur er millidómstigið á Íslandi.

Til Landsréttar er unnt að skjóta úrlausnum héraðsdómstólanna átta og verða þær endanlegar í flestum málum. Í sérstökum tilvikum eða að fengnu leyfi Hæstaréttar Íslands má skjóta niðurstöðum Landsréttar til Hæstaréttar.

Landsréttur er staðsettur á höfuðborgarsvæðinu en þjónar öllu landinu.

Dómarar

Sextán dómarar eiga sæti við Landsrétt. Þeir eru skipaðir ótímabundið í embætti. Þrír dómarar skipa dóm í hverju máli en þó er unnt í undantekningartilvikum að skipa dóminn fimm dómurum.

Forseti Landsréttar

Við Landsrétt er kjörinn forseti og varaforseti til fimm ára í senn. Forseti Landsréttar skipar dómstólnum skrifstofustjóra til fimm ára í senn og ræður lögfræðinga og aðra starfsmenn.

Lög

• Skipan Landsréttar byggir á lögum um dómstóla.

• Um málskot og meðferð mála fyrir dóminum fer samkvæmt lögum um meðferð einkamála og lögum um meðferð sakamála.