• Þær aðstæður verði skapaðar að vísindamenn sjái tækifæri og augljósa kosti þess að starfa á Landspítala.

• Skilgreindar verði forsendur þess að háskólamenntað starfsfólk spítalans geti fengið svigrúm og tíma til að leiða og/eða taka þátt í vísindarannsóknum.

• Stutt verði við rannsóknarhópa með góðri aðstöðu, og fjármögnun samkeppnisstyrkja innan Landspítala sem ætlaðir eru til stærri og metnaðarfyllri verkefna.

• Áhersla verði lögð á nýliðun, meðal annars með sérstökum nýdoktorastöðum.

• Fjölgað verði doktorsnemum á spítalanum og leitast við að styðja starfsfólk sem áhuga hefur á doktorsnámi, meðal annars með því að tryggja aðstöðu fyrir vinnu að doktorsverkefni samhliða störfum.

• Frekari þróun rafrænnar gagnamiðstöðvar og lífsýnasafns verði flýtt.

• Unnið verði að því að bæta innviði og faglega aðstoð við umsjón verkefna, öflun ytri styrkja og frágang einkaleyfa, með samstarfi við aðrar stofnanir þar sem þess er kostur.

• Farið verði fram á við fjárveitingarvaldið að fjárframlag til vísinda verði aukið og afmarkað sérstaklega í fjárveitingum til Landspítala.

• Stefnt verði að því að innan næstu 5 ára verði vísindastarfsemi 3% af heildarveltu spítalans. Þá verði lagt til að fjárlagalið Landspítala verði þrískipt þannig að tiltekið fé verði merkt sérstaklega vísindastarfsemi.

• Vísindamenn Landspítala fái svigrúm og aðstoð við að sækja um styrki í ytri samkeppnissjóði.

• Leitað verði eftir fjárframlögum frá fyrirtækjum og almenningi til að efla vísindarannsóknir á Landspítala.

Fjármagn ætlað til vísindastarfsemi á Landspítala skiptist milli reksturs vísindastarfs og Vísindasjóðs Landspítala.

Fé til sjóðsins deilist í samkeppnissjóði sem veita m.a. styrki til:

• metnaðarfullra vísindaverkefna sem leidd eru af vísindafólki Landspítala, bæði stórra og smárra verkefna

• fjármögnunar á nýdoktorastöðum sem fylgi nægt rannsóknafé og séu ætlaðar upprennandi vísindafólki í tengslum við nýráðningar og nýliðun

• uppbyggingar á aðstöðu starfsfólks í rannsóknartengdu framhaldsnámi

• undirbúnings öflunar stórra styrkja úr ytri samkeppnissjóðum og

• greiðslu kostnaðar af greinabirtingum vísindagreina í opnum aðgangi.

• Innan næstu þriggja ára hafi orðið a.m.k. 5% aukning í birtingum vísindagreina með áhrifastuðul sem flokkast á viðkomandi fræðasviði til efstu 20%, þar sem fyrsti og/eða síðasti höfundur starfar á Landspítala, og aukist síðan um a.m.k. 3 % á ári.

• Innan næstu tveggja ára verða fjármagnaðar, í gegnum samkeppnissjóð Landspítala, a.m.k. fjórar nýdoktorastöður til fjögurra ára, og fjórar til viðbótar innan næstu fimm ára.

• Sókn í stærri innlenda og erlenda rannsóknasjóði aukist um 10% á ári, næstu fimm árin.

• Fjöldi útskrifaðra nema í doktorsnámi í tengslum við spítalann og klínískar deildir hans aukist um 2% á ári.

• Virkt og mælanlegt samstarf verði komið á innan næstu fimm ára við a.m.k. fimm erlenda háskóla, erlendar stofnanir, eða fyrirtæki á sviði heilbrigðisvísinda.

• Fjöldi einkaleyfa sem Landspítali hefur aðkomu að aukist í a.m.k. fjögur á næstu fimm árum.

• Skilgreindar verða mælanlegar aðgerðir til að auka sýnileika Landspítala sem vísindastofnunar.

Unnið verði að því að bæta innviði vísinda, efla þjónustu við vísindafólk og auka sýnileika vísindastarfs í rekstri Landspítala

• Við þarfagreiningar, gerð rekstraráætlana og mat á mönnunarþörf deilda sé gert ráð fyrir vísindastarfi, á sama hátt og unnið er með og gert er ráð fyrir þjónustuhlutverki sjúkrahússins.

• Á stöðufundum innan sviða og hjá framkvæmdastjórn sé fjallað um vísindastarfsemina á sama hátt og gert er í tengslum við þjónustuhlutverk spítalans.

• Upplýsingar um stöðu vísindastarfs skulu uppfærðar á hálfs árs fresti og vera sýnilegar.

• Í tilviki starfsfólk sem ræður sig til starfa á þeirri forsendu að vísindastarf sé hluti af starfskyldum þess skal í ráðningarsamningum og starfslýsingum gert ráð fyrir skilgreindum tíma til vísindarannsókna.

• Markvissri þjónustu, byggðri á víðtækri greiningu á þörfum vísindafólks, verði komið á fót og sýnileiki hennar tryggður með auðveldu aðgengi og áberandi umfjöllun.

• Öflugt stuðningsnet fyrir ábyrgðarmenn vísindarannsókna og ungt vísindafólk verði myndað og komið verði af stað hugarflugsfundum vísindafólks á Landspítala í því skyni að efla þverfaglegan stuðning og auka samvinnu.

• Stuðningur við stoðdeildir spítalans sem sjá um þjónustu við vísindafólk verði aukinn, þ.m.t. fjárhagsumsjón (núverandi L-verk).

• Komið verði á samstarfi við háskólana og aðrar innlendar stofnanir um fjárhagsumsjón styrkja úr erlendum rannsóknarsjóðum.

• Starfsemi bókasafns Landspítala verði endurskoðuð og kannað hvort aukið samstarf við aðrar stofnanir skapi hagræðingu sem nýtist vísindafólki á spítalanum, t.d. hvað snertir aðgang að fagtímaritum í hæsta gæðaflokki.

• Handhöfum stórra styrkja verði veitt svigrúm í takt við þann tíma sem fram kemur í styrkumsókn að verja þurfi til verkefnisins – enda hafi Landspítali skuldbundið sig til þess þegar styrkumsókn vísindafólks er veitt brautargengi.

• Stuðlað verði að góðu aðgengi vísindafólks að rannsóknaraðstöðu, meðal annars með virkri þátttöku í sameiginlegri innviðauppbyggingu háskóla og annarra rannsóknarstofnanna.

Leitast verði við að afla aukins fjárstuðnings frá styrktaraðilum utan spítalans

• Stofnuð verði hollvinasamtök vísinda á Landspítala – sem afla fjár og styðja við hagsmunagæslu spítalans.

• Kynningar- og fjáröflunarstjóri vísinda á Landspítala verði ráðinn í tilraunaskyni. Viðkomandi aðili þarf að hafa árangursríka reynslu af því að afla fjármagns, ásamt því að hafa góða reynslu af samskiptum við fjölmiðla og almenning.

Styrkleiki og sérstaða Landspítala á sviði vísinda verði kynnt fyrir stjórnvöldum og almenningi

• Mótuð verði umgjörð utan um kynningu á vísindastarfsemi Landspítala auk þess að gera rannsóknarhópa sýnilegri á vef spítalans.

• Á ytri vef Landspítala verði sérstök síða helguð vísindastarfi á spítalanum ætluð almenningi – taka skal til fyrirmyndar sambærilegar síður erlendra háskólasjúkrahúsa.

• Stutt verði við framleiðslu hlaðvarpa og annarra tegunda þáttagerða sem eiga heima á síðu Landspítala sem helguð er vísindum og vísindastarfi fyrir almenning.

• Staðið verði fyrir árlegum viðburði þarsem stjórnmálamönnum er boðið á fund með vísindamönnum spítalans þar sem málefni vísinda og mikilvægi þeirra fyrir íslenska heilbrigðisþjónustu yrðu rædd.

• Árleg uppskeruhátíð vísinda (Vísindi á vordögum) verði gerð aðgengileg fyrir almenning með málstofum, fyrirlestrum og öðrum kynningum sem sniðnar eru að almenningi.

Unnið verði að því að kynna niðurstöður og ávinning af vísindastarfsemi Landspítala á innlendum og erlendum vettvangi

• Brýnt verði fyrir vísindafólki Landspítala að nafn spítalans (e. Landspitali University Hospital) komi fram á öllum vísindagreinum sem þau eru höfundar að – nafn og merki spítalans sé á öllu kynningarefni.

Fjölgað verði vísindagreinum sem birtar eru í erlendum ritrýndum tímaritum með háan áhrifastuðul

• Hærri styrkupphæðum verði úthlutað til metnaðarfullra verkefna með mikið vísindalegt vægi og nýnæmi, sem leidd eru af vísindafólki Landspítala.

• Samstarf við háskólastofnanir um þjónustu og stuðning við vísindafólk verði aukið, þ.m.t. aðgengi að sérfræðingum í tölfræði, lífupplýsingafræði og gagnastjórnun.

Samstarf við háskóla, vísindastofnanir og fyrirtæki á sviði heilbrigðisvísinda verði aukið

• Samstarf við vísinda- og menntastofnanir verði aukið í því skyni að efla Landspítala enn frekar sem rannsóknarstofnun.

• Aukinn verði stuðningur og markviss fagleg aðstoð við gerð samstarfssamninga við innlendar og erlendar vísindastofnanir.

• Tækifærum til samstarfs við fyrirtæki á sviði heilbrigðisvísinda verði fjölgað. Fyrirtækjum sem starfa á þessu sviði innanlands og utan verði boðið til samráðsfunda þar sem Landspítali kynni vísindastarfsemi sína og fyrirtækin sína starfsemi.

Úttekt á vísindastarfsemi

• Auk hefðbundinna samantekta verði leitað til erlendra og innlendra sérfræðinga með þekkingu á grunnvísindum og klínískum vísindum til að leggja mat á vísindastefnu og vísindastarfsemi spítalans. Fulltrúar frá Vísindaráði Landspítala kæmu einnig að úttektum á vísindastarfseminni. Slík úttekt verði gerð innan þriggja ára og síðan á fimm ára fresti.

Mælingar á framlagi

• Árangur af vísindastarfi verði mældur með eins fjölbreyttum aðferðum og kostur er og horft til nýjunga á því sviði til viðbótar við hefðbundna mælikvarða. Sérstaklega verði litið til fjölda birtra vísindagreina þar sem fyrsti og/eða síðasti höfundur starfar á Landspítala og fjölda tilvitnana í þær. Einnig til fjölda greina í tímaritum með háan áhrifastuðul. Mikilvægt er að tekið verði tillit til mismunandi fagstétta og að ekki sé alltaf réttlætanlegt að einskorða mælingu við ISI-greinar. Einnig verði horft til hlutfalls fjölda háskólatengds starfsfólks og fjölda útskrifaðra nema í rannsóknatengdu framhaldsnámi, og hversu lengi nemar eru að ljúka námi.