H5N1 stofn greindist síðast í villtum fugli hér á landi 2023, en síðan hafa eingöngu stofnar af H5N5 gerð greinst, í bæði villtum fuglum og spendýrum.

Sóttvarnalæknir vill vekja sérstaka athygli á leiðbeiningum MAST um viðeigandi viðbrögð ef vart verður við hræ á almannafæri sem koma fram í fréttinni.

Töluvert greinist enn af inflúensu hjá fólki en engin merki hafa verið um stofna af H5 gerð hjá fólki hér á landi.

Frekari upplýsingar um fuglainflúensu er að finna á vef embættis landlæknis.

Sóttvarnalæknir birtir vikulega fréttir af öndunarfærasýkingum og hægt er að skoða faraldsfræði ýmissa öndunarfærasýkinga í mælaborði embættis landlæknis sem uppfært er reglulega.

Sóttvarnalæknir