Fjarskiptastofa fer með eftirlit með fjarskiptatækjum og gætir þess að aðeins sé settur á markað og notaður búnaður sem uppfyllir grunnkröfur fjarskiptalaga og reglugerða, sjá nánar í VII. Kafla fjarskiptalaga nr. 70/2022.

CE-merking – skilyrði fyrir löglegum búnaði

• Öll þráðlaus fjarskiptatæki verða að uppfylla grunnkröfur fjarskiptalaga og vera

  CE ‑merkt

  svo þau megi nota hér á landi.

Þráðlaus fjarskiptabúnaður sem ekki ber CE‑merki er ólöglegur, þar með talinn sendibúnaður sem getur valdið truflunum.

Fjarskiptastofa úthlutar tíðnum og sér um að tíðninotkun sé í samræmi við íslenskar reglur og samþætt alþjóðleg viðmið (ITU/WRC). Eftirlitið nær m.a. til:

• farnetstíðna (GSM/3G/4G/5G),

• tíðna fyrir skipa- og flugfjarskipti,

• tíðna fyrir gervihnattaþjónustu,

• tíðna sem notuð eru af radíóamatörum,

• tíðnisviða sem undanþegin eru leyfisskyldu.

Fjarskiptastofa skoðar árlega fjarskiptabúnað skipa og gefur út öryggisvottorð.

• Skoðun nær til:

  • fiskiskipa,

  • farþegaskipa

  • flutningaskipa eftir farssvæðum A1–A4.

• Allur fjarskiptabúnaður um borð í flugvélum þarf leyfisbréf frá Fjarskiptastofu.

• Aðilar sem annast fjarskipti í flugvélum þurfa sérstök réttindi.

• Fjarskiptastofa gefur út skírteini fyrir N‑leyfi og G‑leyfi og fylgir eftir reglum samkvæmt reglugerð nr. 348/2004.

Sjá reglugerð um starfsemi radíóáhugamannna nr 348/2004.
Sjá einnig breytingu á reglugerð nr. 348/2004 frá 2018.

• Fyrirtæki sem vilja veita gervihnattaþjónustu þurfa að skrá sig hjá Fjarskiptastofu.

• Jarðstöðvar eru leyfisskyldar og þurfa árlegt starfsleyfisgjald.

Fjarskiptastofa tekur við kvörtunum vegna truflana og sinnir leit að truflunum. Truflanir geta stafað af:

• ólöglegum eða biluðum sendibúnaði,.

• úreltum örbylgjuloftnetum,

• röngum stillingum í tækjum,

• búnaði sem er ekki í samræmi við reglur.

Stofnunin getur gripið til úrbóta, fjarlægt eða tekið búnað úr notkun ef hann veldur skaðlegum truflunum eða öryggi fjarskipta er raskað.

Fjarskiptainnviðasvið sinnir meðal annars:

• mælingum á fjarskiptasambandi,

• viðbrögðum og úrvinnslu truflana á ljósvakanum,

• kortlagningu og greiningu fjarskipta‑ og tengdra innviða,

• stuðningi við uppbyggingu innviða í samvinnu við markaðsaðila og stjórnvöld.