Opnað verður fyrir umsóknir um strandveiðileyfi sunnudaginn 1. mars 2026 og umsóknarfrestur er til og með 14. apríl 2026.

Breytt framkvæmd frá síðustu vertíð:

• Eingöngu er hægt að sækja um fyrir skip sem eru með haffæri.

• Eingöngu er hægt að sækja um fyrir skip sem eru skráð fiskiskip samkvæmt skipaskrá Samgöngustofu.

• Ekki er hægt að breyta veiðisvæði eftir að leyfi er gefið út.

• Breyting á eignarhaldi skips eða útgerðar skips frá útgáfu leyfis eða á strandveiðivertíðinni leiðir til niðurfellingar leyfis.

Nýjung í umsóknarkerfinu

Liggi ekki fyrir fullnægjandi upplýsingar um eignarhald lögaðila hjá fyrirtækjaskrá verður óskað eftir gögnum um eignarhald í umsóknarferlinu. Í slíkum tilfellum getur afgreiðsla umsókna tekið 2-5 daga enda eru miklar annir hjá starfsfólki Fiskistofu í aðdraganda strandveiðivertíðar.

Allar nánari upplýsingar um skilyrði fyrir útgáfu strandveiðileyfa, tilhögun veiðanna ásamt hlekk á umsóknargátt er að finna í grein um strandveiðileyfi.