Fiskistofa er stjórnsýslu og eftirlitsstofnun sem heyrir undir matvælaráðuneytið. Fiskistofa fer með framkvæmd laga á sviði fiskveiðistjórnunar og lax og silungsveiða.

Hlutverk

Hlutverk Fiskistofu er að annast framkvæmd laga um stjórnun fiskveiða, hafa eftirlit með fiskveiðum, úrvinnslu og útgáfu þar um.

Framtíðarsýn

Fiskistofa er framsækin og skilvirk stjórnsýslu og eftirlitsstofnun, sem er leiðandi í fiskveiðistjórnun á heimsvísu.

Gildi Fiskistofu

Traust

Eftirlit og þjónusta, unnin af fagmennsku með jafnræði að leiðarljósi. Sýnum hvert öðru trúnað og traus. Tökum ábyrgð á verkefnum. Veitum stuðning og leiðsögn við að fylgja þeim eftir.

Framsækni

Stöðugt umbótastarf. Tækni og þekking nýtt til að ná góðum árangri. Sýnum frumkvæði og styðjum við menntun, framþróun og nýsköpun í starfi.

Virðing

Jákvætt viðhorf, heiðarleiki og sanngjörn samskipti. Sýnum hvert öðru virðingu - í orði og í verki.

Áherslur Fiskistofu

Upplýsingar og gagnagreining

• Afla og miðla víðtækari upplýsingum og þekkingu á fiskveiðum og auðlindinni svo viðhorf og starfshættir verði markvissir og gagnsæir.

• Bæta aðgengi að rauntímaupplýsingum með þarfir hagaðila í huga.

• Tryggja áreiðanleika upplýsinga/gagna Fiskistofu.

Eftirlit

• Nota greiningar og áhættumat til markvissara og skilvirkara eftirlits.

• Fyrirbyggja brotlega hegðun með leiðbeiningum og upplýsingargjöf og stuðla þannig að betri umgengni um auðlindina.

Starfshættir og þjónusta

• Einfalda ferla og starfshætti þvert á starfsemina, með skilvirkni og sjálfvirkni að leiðarljósi.

• Stuðla að markvissri og skipulagðri starfsþróun til að byggja undir ánægju starfsmanna og faglega starfsemi Fiskistofu.

• Innleiða verkefnamenningu sem miðar að gagnsæi og þverfaglegri teymisvinnu.

Samstarf

• Víðtækt samstarf við hagaðila með sameiginlegan ávinning í huga.

• Samstarf sem stuðlar að nýsköpun og framþróun Fiskistofu. Jafnt erlent sem innlent.